وينفرط عقد السنين م السوسنة
وتتساقط حبات عمرها من كفها
لو كانت العلّة في شكلها
وتتساقط حبات عمرها من كفها
لو كانت العلّة في شكلها
كان العجلاتي حلها
نفختين في العضل وتبقى اخر منجها
لكن ياولاد ديه حتة جوهرة ومفيش اتنين منها
نفختين في العضل وتبقى اخر منجها
لكن ياولاد ديه حتة جوهرة ومفيش اتنين منها
ايه العمل ...يكونش البنت معمولها عمل ..؟!
---------------
كنا ف اواخر الشتا قبل اللي فات ......... قصدي رمضان قبل اللي فات .. سامحونى اصل بحب اليسا حبتين خصوصا في البومها الاخير اللي وضع علامات استفهام كتير في معانية .. واموت وافهم كانت بتاخد بعضها وتروحله ليه وفين .. وكمان جاية تحكيلنا .. صحيح اللي اختشوا طفشوا .. ماعلينا دع الخلق للخالق.
المهم كان فاضل ع العيد 3 ايام وماما كانت بعد الفطار قاعدة اخر روقان وبتنقش الكحك وانا معاها وفجأة رن جرس التليفون ... وانا انشغلت ف تكملة نقش الكحك لان ماما مبتتنازلش عن انه يطلع ف احسن صورة ولا كأنها هتدخل بيه موسوعة جينيس ولو انا كاروت ف النقاشه تبقي وقعتي سودا ... تقوم ماسكة الكحكاية مكوراها ولطعاها في وشي .. انا كل اللي كان بيضايقني انها كانت بتلزق في النضارة بتحجبلي الرؤية.. واكمل نقش عمياني .. ماهو ده كحك المكفوفين .
المهم كنت قاعدة وسامعه الحوار اللي ابتدا بالترحيب وكل سنة .... ونفرح بيكي كده وانتي راجعه م الحجاز .. والكلام اياه ده
وإذ فجأة .......
المهم كان فاضل ع العيد 3 ايام وماما كانت بعد الفطار قاعدة اخر روقان وبتنقش الكحك وانا معاها وفجأة رن جرس التليفون ... وانا انشغلت ف تكملة نقش الكحك لان ماما مبتتنازلش عن انه يطلع ف احسن صورة ولا كأنها هتدخل بيه موسوعة جينيس ولو انا كاروت ف النقاشه تبقي وقعتي سودا ... تقوم ماسكة الكحكاية مكوراها ولطعاها في وشي .. انا كل اللي كان بيضايقني انها كانت بتلزق في النضارة بتحجبلي الرؤية.. واكمل نقش عمياني .. ماهو ده كحك المكفوفين .
المهم كنت قاعدة وسامعه الحوار اللي ابتدا بالترحيب وكل سنة .... ونفرح بيكي كده وانتي راجعه م الحجاز .. والكلام اياه ده
وإذ فجأة .......
تتتت تتت تتتاااا
وش ماما اتغير............. وهي بتقول البت دي اللي عاملة زي رغيف الحوواشي المحروق دي !!!!!
طيب عموما ربنا يتمم بخير وامتي ان شاء الله ..... وانهت المكالمة
ولقيت ماما بتكلم نفسها وهي بتغلي والسر طبعا ان حد ف التليفون بلغها انه فيه واحدة اصغر مني هتتجوز .
بعدها لقيت ماما رايحة جاية رايحة جاية ..... وبعدها مسكت التليفون
كنت انا دخلت اكمل مذاكرتي ... ورايا أبحاث لازم تخلص ..
مفيش ساعه واحدة وسمعت جرس الباب .........خالتو لبني
بعديها بشوية خالتو حسنية بعدها خالتو سهير وخالتو صفاء مع بعض وطبعا مجلس العائلة الحريمي ده انعقد بناءا علي دعوة طارئة من العضو الدائم ف المجلس اللي هي ماما
فكنت لازم اقطع المذاكرة طبعا وعلي الاقل اخرج اقولهم هاي ازيك يا خالتو منك ليها ليها ليها ليها وأقعد معاهم شوية لزوم المجاملة بعدها استأذن علشان اكمل مذاكرة
وبدأ المجلس ف الانعقاد وخالتوهاتي دول اصلا ميتلموش علي بعض كده الا اذا كانت فيه مصيبه
وبعد شرب التمر البرتغالي وأكل القمر الدين والمهلبية بدات الجلسة وكل واحده فيهم بتمصمص شفايفها وتتصعب عليه .
وبدأوا يعددوا ... طبعا مش يعددوا علية .....يعددوا مميزاتي
اللي تقول بكره يجيلها عدلها ...دي زي العسل واللي تقول ده كفايه علامها ..وغيره وغيره .....بس اللي غاظني محدش فيهم قال كفايه جمالها..... اكنش وحشه وانا مش واخده بالي ؟ .......يمكن ...؟
امي بدأت تتكلم..... يا اخواتي انا خايفة عليها نفسيتها تتعب كل اللي ف سنها واصغر منها اتجوزوا ومعاهم عيال....ياعيني عليكي يا بنتي
خالتو لبني ودي اصغر خالتوهاتي : ..... يا ستي ف ايدك ايه تعمليه ومعملتهوش الجواز قسمه ونصيب وهي نصيبها لسة مجاش
والله عاقلة يا خالتو..... إديها كمان
ماما : ايوة يا لبني ما انتي بنتك اتجوزت خلاص ....
خالتو لبني : ياستي والله بكره نصيبها يجيلها
خالتو صفاء .ماهي بنتك محدش بيشوفها هتتجوز ازاي يعني
ماما : ياسلام يا اختي ماهي بتروح شغلها والجامعة هتروح فين تاني
خالتو سهير : طيب يعني هنعمل ايه ننشرلها اعلان ولا نمشي ندلل عليها ..... بنتك دي مش أي حد دي حاجه ليها قيمتها دي زي السجادة العجمي قيمتها فيها (سجادة.. ده أيه التشبيهات الارضي دي يا خالتو ما علينا )
يعني لازم اللي يجيلها يكون ف مستواها دي علي وش دكتوراه وده طبيعي انها تتأخر ف الجواز .... ايه رأيك بقي ان هي مش ف دماغها الجواز هي عايزة توصل وتبقي حاجه
خالتو لبني : لألأ لأ يا سهير في بنت دماغها مش ف الجواز برده
ماما : يا اخواتي دبروني انا هتشل
خالتو لبني : يكونش البت دي معمولها عمل
الله ...جري ايه يا خالتو ماكنتي بعقلك !!!
خالتو صفاء : بلا تخاريف بقي عمل ايه وبتاع ايه... العمل عمل ربنا اللي نصيبه ف حاجه بيشوفها وهي نصيبها لسه مجاش
خالتو سهير : لألا اما مالكيش حق يا صفاء ده السحر مذكور ف القرأن
خالتو لبني : صدقيني البت دي معمولها بوقف الحال
ماما : طب والعمل...... تعرفوا حد يفكه ..؟
خالتوهاتي بصوا لبعض وبعد صمت رهيب كالذي يوزع ف المأتم مع القهوة
خالتو سهير قالت : بسيطة سيبو الحكاية دي علية
وطبعا انا لما سمعت كده عرفت ايه اللي مستنيني الايام الجاية دجل وشعوذة وانا الضحية بس الي استرعي انتباهي ان انا مش سامعه صوت خالتو حسنية التي لم تدلو بدلوها في تلك القضية
وكأن ماما سمعت تفكيري
فالتفتت فجأه لخالتو حسنيه ودي اكبر خالتوهاتي وكالمعتاد لقيتها نايمه
اصلا خالتو حسنية دي مضيعة لو قالت كلمة تنسي اربعة
ماما : ماتقومي يا حسنية تشوفي اللي احنا فيه
خالتو حسنية وهي بتفوق من غيبوبتها القصيرة وهي مفزوعة : ايوه يا ولاد انا معاكوا..أيه هو السحور وجب ..!
ماما : سحور !!! ...... قومي رّوحي يا حسنية عشان انا ضغطي عالي.... سحور ايه يا حاجة احنا ف خيبة بنتي
خالتو حسنية : ولا خيبة ولا حاجه يا بنتي ده كلو بتاع ربنا اسمعي بقي المفيد
يا سلام مش خالتو حسنية دي مضيعة بس لما بتتكلم بتقول درر هي دي الي هتحل الموضوع وانا هخلص من حكاية الاعمال والتخاريف دي
خالتو حسنية : شوفي بقي يا اختي البت دي معمولها عمل
يا داهوتىىىىىىىىىىى
ده انا اللي بقول ..........................
وش ماما اتغير............. وهي بتقول البت دي اللي عاملة زي رغيف الحوواشي المحروق دي !!!!!
طيب عموما ربنا يتمم بخير وامتي ان شاء الله ..... وانهت المكالمة
ولقيت ماما بتكلم نفسها وهي بتغلي والسر طبعا ان حد ف التليفون بلغها انه فيه واحدة اصغر مني هتتجوز .
بعدها لقيت ماما رايحة جاية رايحة جاية ..... وبعدها مسكت التليفون
كنت انا دخلت اكمل مذاكرتي ... ورايا أبحاث لازم تخلص ..
مفيش ساعه واحدة وسمعت جرس الباب .........خالتو لبني
بعديها بشوية خالتو حسنية بعدها خالتو سهير وخالتو صفاء مع بعض وطبعا مجلس العائلة الحريمي ده انعقد بناءا علي دعوة طارئة من العضو الدائم ف المجلس اللي هي ماما
فكنت لازم اقطع المذاكرة طبعا وعلي الاقل اخرج اقولهم هاي ازيك يا خالتو منك ليها ليها ليها ليها وأقعد معاهم شوية لزوم المجاملة بعدها استأذن علشان اكمل مذاكرة
وبدأ المجلس ف الانعقاد وخالتوهاتي دول اصلا ميتلموش علي بعض كده الا اذا كانت فيه مصيبه
وبعد شرب التمر البرتغالي وأكل القمر الدين والمهلبية بدات الجلسة وكل واحده فيهم بتمصمص شفايفها وتتصعب عليه .
وبدأوا يعددوا ... طبعا مش يعددوا علية .....يعددوا مميزاتي
اللي تقول بكره يجيلها عدلها ...دي زي العسل واللي تقول ده كفايه علامها ..وغيره وغيره .....بس اللي غاظني محدش فيهم قال كفايه جمالها..... اكنش وحشه وانا مش واخده بالي ؟ .......يمكن ...؟
امي بدأت تتكلم..... يا اخواتي انا خايفة عليها نفسيتها تتعب كل اللي ف سنها واصغر منها اتجوزوا ومعاهم عيال....ياعيني عليكي يا بنتي
خالتو لبني ودي اصغر خالتوهاتي : ..... يا ستي ف ايدك ايه تعمليه ومعملتهوش الجواز قسمه ونصيب وهي نصيبها لسة مجاش
والله عاقلة يا خالتو..... إديها كمان
ماما : ايوة يا لبني ما انتي بنتك اتجوزت خلاص ....
خالتو لبني : ياستي والله بكره نصيبها يجيلها
خالتو صفاء .ماهي بنتك محدش بيشوفها هتتجوز ازاي يعني
ماما : ياسلام يا اختي ماهي بتروح شغلها والجامعة هتروح فين تاني
خالتو سهير : طيب يعني هنعمل ايه ننشرلها اعلان ولا نمشي ندلل عليها ..... بنتك دي مش أي حد دي حاجه ليها قيمتها دي زي السجادة العجمي قيمتها فيها (سجادة.. ده أيه التشبيهات الارضي دي يا خالتو ما علينا )
يعني لازم اللي يجيلها يكون ف مستواها دي علي وش دكتوراه وده طبيعي انها تتأخر ف الجواز .... ايه رأيك بقي ان هي مش ف دماغها الجواز هي عايزة توصل وتبقي حاجه
خالتو لبني : لألأ لأ يا سهير في بنت دماغها مش ف الجواز برده
ماما : يا اخواتي دبروني انا هتشل
خالتو لبني : يكونش البت دي معمولها عمل
الله ...جري ايه يا خالتو ماكنتي بعقلك !!!
خالتو صفاء : بلا تخاريف بقي عمل ايه وبتاع ايه... العمل عمل ربنا اللي نصيبه ف حاجه بيشوفها وهي نصيبها لسه مجاش
خالتو سهير : لألا اما مالكيش حق يا صفاء ده السحر مذكور ف القرأن
خالتو لبني : صدقيني البت دي معمولها بوقف الحال
ماما : طب والعمل...... تعرفوا حد يفكه ..؟
خالتوهاتي بصوا لبعض وبعد صمت رهيب كالذي يوزع ف المأتم مع القهوة
خالتو سهير قالت : بسيطة سيبو الحكاية دي علية
وطبعا انا لما سمعت كده عرفت ايه اللي مستنيني الايام الجاية دجل وشعوذة وانا الضحية بس الي استرعي انتباهي ان انا مش سامعه صوت خالتو حسنية التي لم تدلو بدلوها في تلك القضية
وكأن ماما سمعت تفكيري
فالتفتت فجأه لخالتو حسنيه ودي اكبر خالتوهاتي وكالمعتاد لقيتها نايمه
اصلا خالتو حسنية دي مضيعة لو قالت كلمة تنسي اربعة
ماما : ماتقومي يا حسنية تشوفي اللي احنا فيه
خالتو حسنية وهي بتفوق من غيبوبتها القصيرة وهي مفزوعة : ايوه يا ولاد انا معاكوا..أيه هو السحور وجب ..!
ماما : سحور !!! ...... قومي رّوحي يا حسنية عشان انا ضغطي عالي.... سحور ايه يا حاجة احنا ف خيبة بنتي
خالتو حسنية : ولا خيبة ولا حاجه يا بنتي ده كلو بتاع ربنا اسمعي بقي المفيد
يا سلام مش خالتو حسنية دي مضيعة بس لما بتتكلم بتقول درر هي دي الي هتحل الموضوع وانا هخلص من حكاية الاعمال والتخاريف دي
خالتو حسنية : شوفي بقي يا اختي البت دي معمولها عمل
يا داهوتىىىىىىىىىىى
ده انا اللي بقول ..........................
72 التعليقات:
والله يا بنتى حاقولك على حاجة
انتى تعيشى وتنبسطى وماتحطيش الموضوع ده فى دماغك اصلا
احنا قبل مايتخلق الكون معروف مين حيعمل ايه امتى وفين
يبقى ليه نشغل بالنا
بس ده ما يمنعش ان كلامك بيخلينى احس بيكى اوى
على فكرة انا متابعاكى اوى والله بس فى الخباثة
:)
وكفاية انى اول تعليق..حاجة تفرح بجد
العمل عمل ربنا
محدش عارف الخير فين ولا بكره هيكون فيه ايه
حلو أوى البيتين الجامدين دول
لا عمل ولا حاجة
هما كده الحلوين نصيبهم بيتسوى على نار هادئة....عمولة مخصوصة جدااااا
لأنهم مينفعهمش أى حد ....
تحياتى لك ولابياتك الساخرة
أنا مع إيمان تماما ..
شوية صبر صغنتتين .. مش كتير .. وكلنا هانيجى نبارك ..
بس من هنا لهناك .. الدنيا جميلة .. وبعد الجواز والمسئولية هاتشوفى إن كل حاجة زى القمر .. حلو من بعيد
بصى يا سوسن يا حبيبتى كلنا مع الوقت بنلسع و نخرف و نقول الكلام ده..يعنى احنا كان طالع عندنا اشاعه قويه ان مدير المستشفى دافن لنا عمل على باب الاستقبال عشان كده كلنا قاعدين..و رغم عدم ايمانى العميق بالكلام ده الا انى ما استبعدش ان الرجل ده يعمل اى حاجه عشان يرزعنا للابد فى المخروبه
بصي
طنشي
ومتحطيش ف دماغك حد
جحا معرفش يريح الناس
وف الاخر شال الحمار قالو عليه مجنون
عيشي وملكيش دعوه بحد
عمل...؟ عمل ايه يا جميله
العمل عمل ربنا
لكن بقولك ايه ان كنتى حاسه انك معمولك عمل ..من باب الاحتياط
هانى 10 ورقات ورد بلدى احمر بريحه حلوه
وزودى عليهم شويه ورق ريحان على ورق عنب على ورق بفره على ورقة دمغة و انقعيهم و استحمى بميتهم فى يوم يكون مشمس حار بارد ممطر
والعمل يتفك على طوووووووووووووول
هههههههههه
والله يا سوسو
انا شايفة اني كل شئ قصمة ونصيب والعمل عمل ربنا
متحطيش في دماغك لسة نصيبك مجاش
تدوينه جميلة كالعاده
تحياتي
لو رحتي لواحد يفك لك العمل
هو اللي هيعملك عمل ميتفكش
متمشيش في الطريق ده لحسن كله مطبات
باذن الله نصيبك هيجيلك
استمتعي بالحاضر الي أن يأتي المستقبل
رااائعة جداااا
مدونتك...
كلماتك جميلة ورقيقة...
دمتي بخير
(قل لن يصيبنا الا ما كتب الله لنا)
النافع والضار هو الله
والرزق( ومنه طبعا الزواج) من عند الله
أعرف بنات كثيرة عندما تأخرن فى الزواج
بدأن الذهاب لمن يروجون لمثل هذه الخرافات
وكنت مقتنعة انه اذا اتى لأى واحدة منهن العريس المنتظر ستنتهى هذه المهزلة
وقد كان أول ما وصل العريس بدأت
تنشغل فى الجهاز والترتيبات للفرح
واتنسى تماما موضوع الهبل
ليه كدة بس يا سكر
انا قريت تقريبا مدونتك كلها كلها دمها بجد شربات
و سيبك من الموضوع ده و مش تحطيه فى دماغك
كل واحد له نصيبه
و سيبك من الناس الناس فى كل الاحوال بتتكلم
و بعدين انتى مستعجله على ايه بس
الجواز نهايه كل ظالم و الله
:)
تحياتى يا قمرايه
عزيزتي
سمعت كتير عن الأعمال بس ياتري فعلا ده بيحصل؟مش متأكده من ده
فيه حاجه اسمها السحر الأسود برضه فيه ناس بتؤكد انه موجود
ربنا يكفينا شر البلاوي ديه
موضوع مميز
تقبلي تحياتي و مروري
مدونتك اكتر من رائعة
واسلوبك حلو اوى
اصبرى لعله خير بعدين بيقولوا كل تأخيرة وفيها خيرة
ميرسى على تشريفك لمدونتى المتواضعة واتمنى تتكرر
تحياتى ليكى ولقلمك الجميل
هههههه
كل شئ بأوان ياسوسه
تعرفى انا لاحظت حاجه غريبه جدا المشكله مش فى البنات المشكله غالبا فىا لرجاله بيكونوا عايزنها غالبا تافهه ومش عندها شخصيه وحاجات كده
عشان كده كل البنات اللى السن عدى بيهم شويه بنات زى الفل واخر تمام انا ليا اصحابى كتير اكبر منى وبجد دمغهم ميه ميه والحمد لله بنجوز واحده كل سنه تقريبا ههههههههههههههههههههه
لا لا اوقات اتنين فى سنه ومقولكيش بتبقى الواحده منهم ايه خلاص بقى فاض بيها من الدنيا والناس واذ فجأه ياختى فى كام شهر تتخطب وتتجوز بعدها على طووول
النحس بدا يتفك فى الشله بتعاتنا الحمد لله بس علىا لمعدل ده ده مايوصلوا ليه هكون عديت انا كمان
ههههههههههههههه
احلى عيشه بجد عيشه الحريه سيبك انت بلارجاله بلا هم
هههههههه
والله يا سوسة انتي سكر
بس مفتكرش الاعمال بقت تحوق فينا
هو الحال واقف من غير حاجه
ربنا يرزقنا واياكي يارب الزوج والزواج الصالح
مدونتك جميله والله انا قريتها كلها
المدونة عجبتنى اوى اوى
وان شاء الله مش هتكون اخر زيارة
كبرى دماغك واعرفى انك انسان قبل ما تكونى انثى
ايوة كدة فرفشي لحسن البوست اللي فات كان حزايني اوي
طبعا اسلوبك جميل جدا كالعادة و دمه خفيف موووووووت
و مستنية اعرف عملتي اية في موضوع العمل ده :)
تحياتي
ياmess sosa
دى اول زيارة ليا فى مدونتك تحبى اقول لكى فى مدونتك ولا فى الكوشة
المهم انا ارجو التعرف بكى
ياmess sosa
شكرا
محمود
سلاااااااااااااااام
السلام عليكم ورحمة الله وبركاته
معمولها عمل !
الجملة اللي دايما تنط لأي بنت اتأخرت شوية في الزواج خصوصا لو كانت البنت دي بكل المقايس ادب وأخلاق وعلم وجمال وكله
لكن طبعا لازم للى هاتوصل لدرجة الدكتوراه متنساقش ورا التخاريف دي مهما حصل
ونصيبها هايجلها لحد عندها من غير دجالين ونصابين
تحياتي
هههههههههه.. مش ممكن يا سوسة دمك زى العسل
بس إن جيتى للحق أنا بقيد فكرة العلم دى وعندى ليكى الحل يا ستى( يالا إنشاله ما حد حوش) .. هاتى ديك برتغالى من أصل صينى( بس ميكونش عنده أنفلونزا ويكون يتيم الاب) وإدبحيه .. وبعدين خدى دمه وحطى معاه رجل هدهد كسيح ( متسألنيش إزاى) وغطى إزازة كوكاكولا من اللى بتكسب جنية دى.. و مصاصتين من اللى بيصفروا .. وبعدين لو جبالوك دجال علشان يفكلك العمل إبقى إرمى الحاجات دى كلها على وشه.. يا نهار زى بعضة أعمال إيه وزفت إيه العمل عمل ربنا .. مش جايز ربنا كتبلك الخير والأحسن.
إنتى عارفة أنا لو سمعت عنك إنك روحتى لدجالين ولا حاجة من دول مش هيحصلك طيب
بصى يا بنتى موضوع الجواز اصلا ده نصيب وبعدين حتى لو اتأخر هنروح منه فين هيجى هيجى بس احنا منستعجلش
تقبلى تحياتى مدونتك جميلة
السلام عليكم
فعلا العمل عمل ربنا لازم نلجأ له وحده .
صدقينى اى حد بيلجأ لأى حد غير ربنا عمره ما يكسب ابدا ..
يعنى الصلاه وقرأة القرأن والاذكار ولجؤنا للرحمن .. كافلين قوى انهم يقضوا على اى شيطان مهما كان .
دمت بخير وسعاده
خالص تقديرى
تحياتى
rovy
السلام عليكم
إيش تعمل الفورشة في الوش العكر ؟
مثل شعبي شهير قد ينطبق على المجتمع اللي بيحاول يتزين خارجيا
وهو أساسا عكر
يعني مجتمع فيه مشكلة العنوسة بتعانيها 9 مليون بنت
ومش لاقيين لها حل
بالطبع لازم ينتشر الحل اللا واعي المغيب للعقل والمنطق
فلازم تنتشر الخرافات
ولا حول ولا قوة إلا بالله
عامة أي بنت عندها إحساس إنها محسودة أو معمول لها عمل
أنا ممكن أساعدها
خدت دورة فك سحر عند ساحر سوداني
وربنا يقدم اللي فيه الخير
تحياتي لكم جميعا
آدم
وياتري بقي كل بنات مصر اللي لسة مستنن العدل معمول لهم نفس العمل
هو فيه حد مستأصد البنات الغلابة دول كلهم
ونعم الأعمال
الآنسة سوسو
مرحبا
مدونة رائعة جدا
الموضوع اللي تتناوليه موضوع واقعي ويؤرق الكثير من الفتيات في هذا الزمان
أسلوبك في الكتابة شيق ودمه خفيف جدا
والحقيقة البوست ده عبر عني في مرحلة معينة
والبوست اللي قبله العروسة للعريس والجري للمتاعيس
مؤثر جدا وقد عبرتي عن جزء من مشاعري وقد مررت بنفس التجربة بس مش مع اختي مع بنت خالتي
يومها لم استطع أبدا ان احبس دموعي
وشعرت بضعفي لاول مرة
تحياتي لكي واحترامي
وما تعطيش الموضوع ده أكبر من حجمه صدقيني انا بعاني من نفس المشكلة دي بس كله مكتوب عند ربنا .. ومش كل حاجة هتكمل بالجواز.. بالعكس في ناس بتتجوز وتبقى تتمنى الموت..وكنت قد قرأت في مقال عن العنوسة قول لأمراة عجبني
( أنا عانس لأنني لم أعثر بعد على شريك حياتي، أما الزوج، بمفهومه السلطوي، فهو موجود بكثرة، لكنني أبحث عن شريك حياة يقدر اهتماماتي ويفهمني، وهذا لم أعثر عليه بعد)
وقول لفتاة أخرى(أنا أعيش وحيدة، خير من العيش مع زوج سيئ)
وربنا يرزقك ويرزق جميع بنات المسلمين الأزواج الصالحين.. آمين
شهرزاد
بجد انتى مش معقولة تتصورى انى كنت فاكرة انى انا بس الى فى الموقف دة اصلى حصلى نفس الموقف بس بقى مع الجيران واحدة جارة اقترحت على مامتى شيخ يحللى عقدتى
الحمد لله على كل حال
سوساااا
وحشتينى
بوست جميل
وخالاتك دول زى العسل
وكتير القاعده ديه أعملت عليا بس على نطاق ضيق (أقتصرت على تعدد صفاتى ومحاسنى مع شويه أستفهام وأستغراب
ونظرات أشفاق )مع واحده صاحبه ماما
مع خالتى
بس موصلتش للأعمال
وطبعا مش حقولك بقى متنساقيش ورا الحاجات ديه لانى متأكده أنك مش بتاعت الكلام ده خااااااالص
وتسمحيلى أتعدى على خصوصياتك وأعلق على بعض التعليقات
لاحظت أن فى ناس كتير نصحوكى أنك تشيلى الموضوع ده من دماغك وتخليكى فى نفسك
عايزة أسألهم سؤال
أزاااااااااااااى؟؟
أزاى يعنى تشيل الموضوع ده من دماغها وهيه أصلا فطرة فطرنا الله عليها
أليس من حقها أن تكون زوجه
أليس من حقها أن تسمع كلمه حلوة من زوجها
أن ينظر لها نظرة أعجاب يشعرها بأنوثتها
أليس من حقها أن تكون أم؟؟
تسمع كلمه ماما
اليس من حقها أن تكون لها بيت مملكه خاصه تلبس اللى نفسها فيه
تاكل تشرب ترقص
برااااااااحتها بقى
يا جماعه ديه فطرة وطبيعه البشر
ولكن طبعا ده عادى أنا مش مستغربه
لا تشكو الناس جرح أنت صاحبه ُ
لا يألم الجرح الا من به ألم ُ
لالالالالالالالالالا اسمعي كلام خالتوهاتك دول الخير و البركه و ان شاء اله تخدي الدكتوراه ههههههههههههههههه
السلام عليكم
سبحان الله بجد اللى خلانى اوصل لمدونتك
مبسوطه جدا جدا جدا انى عرفتها
اسلوبك ممتع جدا وشيق
ووصفك ملوش حل بجد
وهقولك حاجه بخصوص الموضوع ده
كل اللى تعمليه وعليكى بيه
هو الدعااااااااااء بس
اللهم ارزقنى الزوج الصالح
وزى ما بيقولوا الدعاء ده بيبقى زى النبات محتاج ترويه دايما اوعى تسيبيه يموت
اول زيارة وان شاء الله هتكرر على طووووووول
معموللك عمل....هههههههه
لا يا شيخه مش للدرجادي
ان شاء الله ربنا يرزقك بابن الحلال اللي يستتك وتكوني بتحبيه وحياتكوا تبقي حلوه مع بعض يااارب
اسلوبك بجد حلو قوي
بتعرفي تخلقي الحاله صح الصح
بس نصيحتي ليكي
ادي البوست حقه
يعني انتي منزله بوست قبل الموضوع ده بحوالي اربع تيام
خليه اكتر عشان ياخد حقه من القرايه والناس تتابعك
انتي اسلوبك حلو بجد والله
متابع باقي الحدوته ومستمتع جدا جدا
وماتسمعيش كلامي وتتأخري في الحلقه الجايه
ربنا يارب يسعدك ويكرمك ويبسطك دنيا وآخره يارب
سلامووووووووووز
السلام عليكم
عمل ايه بلا تخاريف وكلام فاضي
اقولك انتي عيش حياتك ولا يهمك من حد
وبكرة النصيب يجيلك
طب انا كان ليه خالتي اكبر من ماما
ولسه متجوزة من سنتين بس
يعني تقريبا كان عندها حوالي39
ويا بنتي ده ف الاول والاخر نصيب
وبعدين بقي نستينى المهم انا جيبالك تاج انما ايه ادخلي عندي وشوفيه
ولما تكتبيه بلغيني
مستنياكي
سلام يا قمر
هع هع هع هع هع
ممكن تعمليلي بوست مخصوص لخالتو سنية
ههههههههههه أصل انا عمالة اقرا ومتخيلاها
ميس سو،، سووووووووووو فاني
هييييييه
شويه فرفشه بقى
ايه دور الاعمال ده
بس بجد انا مع الى بيقول متركزيش فى السكه دى
قل لن يصيبنا الا ما كتب الله لنا
وشيلى من دماغك وانبسطى وعيشى الحياه
سلامى يا قمر
:))
ولا خالتوهاتك دول عساسيل
طيب انت معمولك عمل وكل بنات
مصر اللي متجوزوش دول برضه بعمل
علي اساس ان شعار المرحله دي عمل لكل فتاه
متحطيش في دماغك الكلام ده ياقمر
أسلوبك جميل يا سوساااااا
وربنا يكرمك بعريس يقدر مواهبك دي ...قولي آمين
ياريت تشرفيني بالزياره..علشان تشوفي أخرة المتجوزين إيه
اه موضوع العمل ده
كل ما حد تحصل معاه اى حاجة يقولوا عمل
أحسن ناس ترمى بلاويهم على أى حاجة
المهم شوفى العمل ده فين هتلاقيه فى ركبة نملة ولا حاجة.
ما علينا
المهم اسلوبك تحفة وماتنسيش ان الموضوع ده نصيب
يللا سلام تحياتى
خالتوهاتك دول عسل وربنا يفك الازمة يارب امين بس بينى وبينك لو بنات مصر كلهم معملوهم عمل تبقى مصيبة لو رحتى لبتاع الاعمل خلية يشوف العمل السفلى اللى معمول ل9 مليون اخت منتظرة
وتحياتى
ههههههههههههههههههههههههههههههههههه
والله أسلوبك حلو أوى
و بجد أنا معجبه بيكى وباللى انتى وصلتيله
ياريت فعلا تثبتى جدرتك أكتر وبانك مش متأثره بالموضوع ده
وكمان كل شئ اسمه ونصيب
أقولك أصل أنا تقريبا بسمع الكلام ده رغم ان انا لسه عندى 22 سنه وبرده بتضايق لما بسمعه
بس نفسى أكتر أثبت نفسى فى شغل ولا حاجه ان شاء الله ساعتها هبقى أحسن من اللى اتجوزوا 100 مره.
عليكي وعلي الزار والدوار وتجيبي معاهم
ودن قطه سوده وشنب قطه بيضه وديك بربري يكون ريشه منتوف ههههههه
وأديها بيقي عروسه ورق وهاتي دبوس وخرميها من عين سعديه وشوقيه وعدليه
وكل البلوجوريه وأحريقيها يا أخوتشي
وحطي السماد علي وشك وألبسي سلطانيه وبطانيه وخليهم يجروا واراكي في الشقه سبع مرات وابقي ادعيلي يا أوختشي ههههههههه
ربنا يسعدك يا قمر ويرزقكك بابن الحلال اللي يستاهلك دانتي هتهريه ضحك
وربنا أمه دعياله.
تحياتي
انا في نفس العمر اللي انتي فية ونفس الظروف بالظبط لكن وبيقولوا نفس الكلام ما عدا موضوع العمل دة
ربنا يكون في عونك وميكنش فكه بزار تبقي مصيبة
اشكرك على الزيارة
سمراء
مدونه جميله جدا
ايوه معملوك عمل علي رجل غراب يتيم اقرع ولازم يتفك
انتارفا انا مش مقتنعه ان في حاجه اسمها عانس لانها كلمه بلا معني
بنت ناجحه غي دراستها و بتشتغل و دماغها مش في الجواز و الخلفه خلاص براحتها هي حره و في الاخر دي قسمه و نصيب
البلوج لذيذ جدآ
تحياتي
العمل عمل ربنا
كل الي مكتوب على الجبين مصيرو تشوفو العين
سواء اتجوزتي دلوقتي او بعدين دا كلو بإرادة ربنا
وربنا يرزقك ويرزقنا بولد الحلال
هايل سكة جديدة ثرية بالأعمال و الأحجاب والعفاريت
علي فكره البوست دمه خفيف اوي غير البوست اللي فات اللي كان مليان حزن ..
بس بجد اسلوبك جميل اوي ..
مستنين التكمله
تحياتي
محمد
ربنا يفك الازمه الاقتصاديه عن مصر ويبقي دخل الفرد تلاته اربعه مليون فى السنه
وباذن الله مشكلة العنوسه هتختفي
جميله فكرة المدونه
تحياتي
بقولك اية انتى عندك كام سنة؟؟
اة سؤال محرج مش كدة
انتى يابنتى او يامامتى منا ماعرفش سنك دمك خفيف بدرجة لا توصف والله انت عسل لو طلعتى اكبر منى ب5 او 7 سنين معنديش مانع اجى اطلب ايدك من بكرة بس انتى توافقى
مستنى اقتراحك على البوست الجديد
وادعوكى لوضع لوجو حملة وقف تصدير الغاز الى اسرائيل
ودة اللينك بتاعه
http://www.zshare.net/image/12105759293805bb/
اولا السلام عليكم
تانيا فيه مشكلة كبيرة لو اتجوزت حتغيري اسم المدونة بقي و ل تقفليها و لا ايه :))
ثالثا اسألي ماما بعد ما تحليفها تقول الصدق كام مرة ندمت انها اتجوزت بابا :) دي دعابة احسن طنط تزعل مني انا بس عايزها تقتنع ان ممكن زواجك لا قدر الله يتعبها اكتر لوالزوج طلع مقلب و المدونة يبقي اسمها يوميات زوجة دمها محروق بعد الشر يعني
اما بالنسبةلك فاناشايفة انك مقتنعة و زي الفل بس معلش ساعات الناس اللي بتحبنا ما تفمناش كويس
ربنا يسعدك و يرزقك بواحد ابن حلال يعجب خالتوهاتك بس خلصي الدكتوراه بسرعة عشان صاحب بالين كداب
و في الختام تحياتي لك و لموهبتك الساخرة الجميلة
سيبك مندا كله وركزي انتى بس في دراستك ومحدش عرف الخير فين
اقولك احنا نعمل عمل لمامتك وخالاتك علشان يبطلوا لوك لوك لوك في الموضوع ده ها ها ها
بس بجد صدقيني محدش بياخد غي نصيبه
اخيررررررررراظهرتى ولا انا جيت وخرى معلش امتحانات وكدة....عمل ايييييييية وبتاع ايييييييية بلاش تخاريف مفيش حل غير الزااااااار...اسمعى كلامى وانتى تكسبى......مستقبلك احسن حاجة فى الدنيا...الا صحيح السحووووووووور امتى
السلام عليكم
ازيك يا سوسن اخبارك ايه يا قمر
وحشتينى
اوعى يا بنتى تسمعى كلامهم ولا تمشى وراهم فى حاجة
طريق الأعمال ده نهايته وحشة
وبدايته وحشة برضه
والاهم ان حراااااااااااااااااااام جداااااااااااااا تفكرى ان ممكن حد " بنى آدم " يغير مجريات الامور إلا بأمر الله
السحر والشعوذة والاعمال والكلام ده كفررررررر والعياذ بالله
ياريت تعرفى مامتك انك سمعتى كلامها وتناقشيها على الاقل عشان تعرف انك بتتأثرى باللى بتعمله ده ولو كان حتى مجرد الكلام
وبعدين يعنى
مستعجلة على ايييييييييييييييييه ؟؟؟؟
بكره تقولى ولا يوم من أيام مس سوسه .. والطريق إلى الكوشة هههههههههههه
تعالى بقا خدى التاج اللى لكى عندى يمكن لما تلبسيه كده ويلمع عليكى العمل يتفك ههههههههه
دمتى بخير وسعادة وهنا
سالى
ما هو ده كلام الناس مش بيؤمنوا باللى بيكتبه ربنا وان كل حد له وقته
بس سيبك انتى متخيله شكلك وانتى الكحك فى وشك هموت من الضحك ههههههههههه
تحياتي
اختي الفاضلة...الزواج ممكن يكون جميل جدا...و احلام وردية...لكن صدقيني الكثير من المتزوجين و خاصة صغار السن
يتمنين ان يخلعوا...
الاعباء المعيشية....و المغنيات الفاتنات ذات القوام الممشوق...و ...
اصبحت عبء علي الفتاه او الزوجة...
و كما قالت الاخت اموله في تعليقها:
عيشي و انبسطي , واتركي الباقي علي الله.
تحياتي و تقديري
انا قلتلك قبل كده راي
عيشي وملكيش دعوه بحد
بس بجد
وبصراحه
اسلوبك مش قادره امسك نفسي من الضحك
استمري ياسوسنه
بصى ياستى سيبى الموضوع د ه على ربنا واللى ربنا كاتبهولك هتاخديه
وعيشى حياتك وكل حاجه هتجيلك لحد عندك وقت ماربنا يؤمر
بس بلاش موضوع الاعمال ده لانك مش هتخلصى لو اتحطيتى فيه
سوسا امورتي يا حلوه جرى ايه ليه زعلانه .. احم لا ماتاخديش في بالك دي اغنية للاطفال كنت بسمعها وانا صغيره ..
سوسا انتي بجد تحفة دمك زي العسل .. وحكاية العمل دي اول حاجة بسمعها اول ما الناس تلاقي واحده لسه ماتجوزتش .. كبري دماغك يا جميلة وعيشي حياتك وزي ما قولتلك قبل كده ماتشغليش دماغك كل واحد ليه نصيبه اللي متشاله وماحدش يقدر يمنعه عنه لكن كل شيء وليه معاده ..
سؤال صغنن كدة علي الجنب هو الكلام بتاع الإستهلال بتاع كل بوست انتي اللي كاتباه
اصل لو انتي اللي كاتباه يبقي انتي كدة حكاية كبيرة وعبقرية كماااااان
حلو أوي
السلام عليكم
ايه ياسوسا ده كلهه البلد كلها منزله تعليقات ده عشان بجد كلامك خرج من قلبك وصل لقلوبنا
ربنا يرزقك
بسم الله
ماشاء الله
مدونتك حلوة اوى وعجبنى اوى اسلوبك
احلى كلمه ضحكت عليها اوى كلمه خلتوهاتى دي
ههههههههههههه
جواز ايه ياشيخه هو فى حد لاقى ياكل فى الزمن دة وبعدين دة فى الاول وفى الاخر قسمه ونصيب وبعدين سيبى خالاتك يتصرفو وكله بامر الله بردو وخليكى انتى فى الدكتوراه
يلا سلامو عليكووو
تحياتى
جيلان
اسلوبك جميل جدا
و مش قادره اقول غير ان عندك حق فى كل ما تكتبينه عن ردود فعل المجتمع بتاعنا
تحياتى لك
يعني ينفع كدة بردة مش الحوار دة حصل من رمضان طيب سيادتك مأخراه علينا طول الوقت دة كله ليه ؟
تحياتي لسلوبك الجميل
انا قرأت كل التدوينات وماحستش بملل ودي حاجة مابتحصلش معايا كتير
ماشاءالله اسلوبك حلو قوي
تحياتي ليكي مرة تانية
هههههههههههه
رااائع بجد اسلوبك فوق الراائع
بشكرك علي البوست الراائع ده
والله يا اختي صعبانة عليا من اللي هتشوفيه من خالتوهاتك الايام الجايه ومن دراويشهم كل الناس شايفة ان كل الناس معمول لها عمل اللي ما اتجوزت معمول لها عمل بوقف الحال واللي اتجوزت معمول لها عمل بعدم الخلفة أو بطفشان جوزها او بكره حماتها ليها من واحدة كان نفسها تتجوز جوزها لكي ولنا الله في هذا الزمان
يا ستي معمول لها عمل، أحسن ما يكون معمول لها بطالة،
بس حلوة حكاية السجادة العجمي دي، على كام المتر؟
جميل منك استمري يا بنيتي، بضم الباء، اء اء....وكان لي صديق فلفافوس
بجد جميل جدا اللي انتي كتباه وعلي فكره الواحد بيمر بنفس كل الحوارات دي كتييييييير صدقيني انا حاسه بيكي اوي ربنا معاااكي يااارب وتعزميني قريب ان شاء الله
اسلوبك جميل وساخر ورقيق
ربنا يهنيكي ويخليلك خالتوهاتك
بس خايفه م اللي حيحصل فيكي لو صممو على رايهم
همسه
والله انتتى شربات
وامك شربات
وخلتوهاتك شربات
خصوصا حسنيه
بس بجد واللهطول مانتى بتفكرى ف الموضوع وشاغل دماغك مش هيحصل حاجه انما لو شلتيه من دماغك هتشوفى ايه اللى هيحصل وابقى قولى انجى قالت
وعلى فكره انا اعرف واحده
كان كل ما يتقدملها عريس يشوفها ف اى حته الموضوع يمشى اول مايزورهم ف البيت الحكايه تتقندل
سألت شيخ قاللها حاولوا تبقو تقابلوه ف شقه تانيه يعنى يأجروا شقه
لأن ممكن الشقه دى يكون فيها حاجه
مأجروش بقى اشتروا شقه تانيه وأول عريس جالهم قالوله دى شقتنا الاصليه
والحمد لله ربنا تمملها بخير
وجوزها لغايه دلوقتى عمره ما دخل البيت القديم
يعنى عايزه اقولك ان السحر دا موجود
بس مش كل حاجه نرجعها للسحر
يعنى نعمل اللى علينا
ونتوكل عللى خلقنا
بوست جميل تحياتى
بجد كفاية دمك الشربات انا مجوزة واصحابي لسة مجوزوش بس اقولك علي المفيد اللي بجد فية ناس قالولي انهم داوموا علي الاستغفار كل يوم الف مرة والصلاة حاضر وقراءة البقرة كل 3 ايام ومكملوش شهرين واتجوزو علي طول استغفرو ربكم يرسل السماء عليكم مدرارا ويرزقكم اموال وبنين ويجعل لكم انهارا وانا بستغفر علشان ربنا يرزقني اولاد ادعيلي بقي
بسم الله الرحمن الرحيم
الله يخليلنا سارة اللي عرفتني عالتدوينة ..
بس بجد جامدة جدا ً ..
فكرتيني بالعيلة المحروسة بتاعتنا برضو ..
بس إحنا مبناخدش عالكلام دة ..ولا إيه ..
شكلي كدة حدمن المدونة دي ..
أشوفك ع خير
إرسال تعليق