• لا تكن كمن عاش شطر حياته الأول يشتهي الشطر الثاني ، وعاش شطر حياته الثاني آسفا على ضياع شطر حياته الأول

الثلاثاء، 5 مايو 2009

كله الا شرف هيفا



بعد لقاء هيفا مع عمرو أديب في القاهرة اليوم واللي نفت فيه كل اللي اتقال عن الفلوس اللي اتدفعت في المهر والفرح والفستان واقسمت بشرفها ان كل الكلام ده كدب

(وطالما هيفا حلفت بشرفها .. يبقي هيفا طبعا علي حق)


وان الفرح كان بسييت فعلا .. ومهرها كان نسخة من القرآن الكريم

( اللهم قوي ايمانك يا شيخة)

والمدعويين كانوا 350 ومفيش حد جه بطيارات خاصة ولا حاجة

(غالبا راحوا علي رجلهم او بالتوكتوك)

و البنت طلعت كتكوتة 32 سنه بس .. وهو اكبر منها ب 3 سنين (شوف ويكيبيديا )

(وعلى حد علمي ان بنتها من جوازتها الاولي 18 سنة .. علي كدا اتجوزت وهي عندها 13 سنة وخلفت وهي 14 سنة .. ست من الزمن الجميل فعلا)

والفستان تصميم مصمم ايطالي مش الماظ ولا حاجة الشبكة بس اللي الماظ

(عادي يعني دي هيفا .. و جالها 15فستان فرح هدية - بتخمس في وشنا غالبا)

والتكتيم علي صور الفرح ومنعها التصوير علشان ديه مناسبة خاصة بيها مش علشان هتبيعهم (حقها طبعا)

وجوزها طلع راجل تقي وبيوزع بطاطين ع الغلابة.


بعد كل ده وجب علينا الاعتذار

(سوري هيفا )

انا هبطل تدوين وهحرق المدونة وهولع في نفسي

(بس ما تحلفيش بشرفك تاني يا شيخة)


45 التعليقات:

الطائر الحزين يقول...

طبعا الا الشرف وجيتى كمان على شرف هيفا

الا يعنى ايه شرف؟

Miss. Sosa يقول...

فى الواقع هي كلمة شرف ديه انا وعيت عليها من توفيق الدقن لما كان بيقول ( احسن من الشرف مفيش)

فغالبا هو حاجة كويسة علي حد قوله

يوميات شاب منوفى يقول...

انا اتفرجت على الحلقة بجد حاجة تقرف انا الى حنقنى موضوع المهر " المصحف " تحسى انهم اتقية اوووووى واحنا الى كفرة انا زهقت من البنت دى ال اية 32 لية انتى شيفنا هبل

Miss. Sosa يقول...

:))
ايوه يا شاب احنا شعب قليل التربية والدين واحنا اللي نستاهل الحرق لاننا احنا اللي بنصنع هيفا وغيرها

غير معرف يقول...

انا لسه عند رايى ان الحقد والحسد هو سبب الهجوم على هيفا
الست زى الفل وعنها 32 سنه عايزيين ايه؟
واحده اتجوزت على سنة الله مع انها شيعيه والراجل حر فى فلوسه ولو كان سارقها ما ..... سارق فلوسه وما حدش يقدر يفتح بقه

Miss. Sosa يقول...

:))

والله يا غير معرف باشا احنا ماجيناش جنب الست ولا الراجل
احنا تفكيرنا اعمق من كدا
احنا عينا ع الفلوس اللي اتبعزقتت ببذخ والشعب فى حالة فقر مدقع
ومش قولنا هنشاركهم في فلوسهم احنا بنقول يدفعوا زكاة المال علي اعتبار انهم مسلمين يعني

اما موضوع انه يتجوزها ولا يطلقها مش قضيتنا

الطيور علي اشكالها تقع وبكرة تحصل ذكري وسوزان تميم واي واحد بيتصرف عليها من مال الشعب الغلبان ده

مسدس صغير يقول...

ويا اااه يا اااه
ولا احلى من الشرف
شرف المهنة فوق كل اعتبار
وآآآآآآآآآآه يا داااانس..
ههههههههه
كله الا الشرف وخاصة اذا كان شرف هيفا
وطالما حلفت على شرفها تبقى صادقة بنت صادقة.
متحلفيش يا ولية مصدقينك.

رحلتنا في الحياة يقول...

هههههههه ربنا يهديهم

MǿиY El-Shreef يقول...

ههههههههههه

معاكي يا ابلتشي

جاتهم القرف هما الاتنين

قال 32 سنه

:)))))))))))

غير معرف يقول...

الراجل شقى واشتغل وعمل قرشين وبيشبرق نفسه بيهم نقوم نقوله انت بتعمل كده ليه
من حكم فى ماله فما ظلم
وبعدين العين الوحشه فى النظر الى الامور هى اللى خلت الراجل يا دوب اسبوع وشكله زهق من هيفا طبعا بسبب القر اللى نازل عليهم من كل ناحيه ورجع مصر وسابها فى لبنان والنبى مش حرام عليكم نكدتوا على البنيه فى شهر العسل

عاشقه وغلبانه يقول...

نعم ياختي
هو انا ناقصه فاقعه
كفاااااااااااااااااااااااااايه

شرف ايه ام شرف اللي بتتكلم عنه ده
وقران كريم ايه اللي مهرها

هو احنا حاطيين جوا الجمجمه بلوظه

انا قربت اطق من الوليه دي

dina medicine يقول...

يا سوسه ارحميني...دمي بقي بانيه....لا ياريته بانيه..ده بقي علي الفحم...

رحمتك يارب

د. ياسر عمر عبد الفتاح يقول...

متشغلوش بالكم
.....
لينا رب إسمه الكرييييييييم
:(:(:(:(:(:(:(:(:(:(:(:(

Hossam يقول...

hey
مممم حاسس فى كلامك انك بتتعدى على ال Privacy بتاعة الاخريين وده على الاقل بالنسبة لى مش مستحب وانا شايف ان كل واحد حر والموضوع مش مستاهل اننا نكتب عنه موضوع كامل فى مدوناتنا.
كل واحد لية حياتة الشخصية وهو حر فيها ولو هنقول ان هيفاء كل الصفات الوحشة فيها واحنا شايفنا فى مليون غيرها محترميين ادمنا ومنعرفش بيعملوا ايه من روانا.
اتمنى ان نقضى ميزعلكش منى بجد
شكرا
سلام

Miss. Sosa يقول...

hossam

اولا اهلا بيك

ثانيا كل واحذ حر في رايه زي ما انت قولت

ثالثا انا ماتتعدتش علي البرايفسي بتاعت حد الاعلام نقل كلام كتير مستفز عن زفافها واحنا كشعب استفزينا وبديهي هيكون لك رد فعل بعدين هي طلعت تكذب الكلام ده باكاذيب جديدة علي اعتبار اننا بلهاء فطبيعي برضو يكون لنا رد فعل

اللي اتعدي علي البرايفسي بتاعها الاعلام اللي استفزنا وهي اللي مستفزينا من يوم ما طلعت

وعلى فكرة انا مش بزعل من النقد بس يكون في محله

Unknown يقول...

ههههههههههههههههههه
لالالالالالالا تحلف بيه زي مهي عاوزة
احلي من الشرف مفيش

simply me يقول...

بعنى طلعت مظلومه وكله اشاعات
يا حرااااااااام

مسكينه بجد

غير معرف يقول...

مافيش أحسن من كاريكاتير مصراوى:

شديد أبو حديد وفر في استهلاك الكهربا
و أهو قدر يحوش 100 مليون جنيه مهر و 50 مليون جنيه تكاليف الفرح و اتجوز هيفا وهبي
أيوة كده يا شديد
إحسبها صح
تعيشها صح

http://www.masrawy.com/Jokes/Caricature/home.aspx

Magi Mostafa يقول...

سورى هيفا سورى خالص شفتى يا سوسه ازاى طلعنا ظالمين الست وهى غلبانه ومنكسره وعندها 32 سنه بس

NaiRa يقول...

هههههههههههههههههه

متظلميهاش يا ساسو حرام عليكى الوليه مغلطتش هى بتحلف بشرفها

وواجب علينا اننا نصدقها ليييييييه بقى؟ علشان احنا شعب اهبل

ده اللى هما فاكرينه

الحجه الشريفه العفيفه هيفاء شلبى تؤتؤتؤ قصدى وهبى بتحلف بشرفها دى نعمل عندها كده !!!!!!!!!!

ونبى يا اختشى انا مقهوره لوحدى هتيجى على عيفا

بلا قرف كله محصل بعضه

وواضح ان بصراحه جوزها ده راجل اول اول ( راجل بس من بتوع مامى وكلاس وهاى )

رجاله اخر زمن بلا وكسه

قلب ارهقته الاحلام يقول...

ياعيني والله قطعت قلبي بهيافتها

وصعبت عليه وهي بتحلف بشرفها زي الغلبانه كده

بعدين ال بيقول اننا مش من حقنا نكلم عليها يبقي غلطان

هايفة دي قضيه عامه مباحه للجميع بعدين فيه فرق بين ال فاسقة بس

منعرفش عنها حاجه لان دي ليها عرض أحنا منقدرش نخوض فيه بلا تأكيد

لكن ال بتجاهر بالفسق والفجور وتستبيح عرضها

بالتأكيد مفيش عرض اصلا فالبالتالي لما بتكلم مش بنخوض ف عرض حد اصلا

والله ياسوسا البنيه صغنونة واتبهدلت معانا رايحه جايا جايا رايحه

موووة مش تتأخري علينا

تحياتي ,,,,,

MaNoOoSh يقول...

32 سنة!!!!!!!!!!!!!
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
دة انا ضغطى عالى يا ناس
وبتقولها كدة عينى عينك؟؟ دة على اساس ان احنا فعلا داقين عصافير وللا مركبين قبقاب بدل امخاخنا
عاااااااااااااااااااااااااااا

Soma يقول...

32 والله؟!!!!!!!!
الف مبروك
لوووووووووولوييييييييي

maioya يقول...

هههههههه
هيفء دي عملت قلق للجميع :D

Lady E يقول...

ههههههههههههههههه ربنا يقوي ايمانها فعلا شوفتي كنا ظالمينها ازاي

محمد عادل يقول...

فعلا فرح بسيط والي مش مصدق للأسف محدش هيقدر يقنعه لأن اخبار الفرح كانت بتتذاع على جميع القنوات الاخباريه ساعتها، وفعلا حقها تحلف بشرفها (احيى من الشرف مفيش)

بس سؤال محتاج اجابه هيه الطيارات الخاصه الي راحت الفرح ركنت فين؟؟؟؟؟؟؟؟؟

لجين أبو الدهب يقول...

بجد انا زعلانة من نفسى اوى ..

انى ظلمتها بالشكل ده ..

الست طلعت كويسة اهو وجوزاتنا احنا الغلابة اغلى منها ..

بجد ضحكتنى مووووووت ..

دمتِ بخير ..

Kiara يقول...

هههههههههههههههههههههههههه

موتيني من الضحك

وفكريتيني بكلمة توفيق الدقن

احلي من الشرف مفييييييييييييش

مسعدة يقول...

هههههههههههههههه
ههههههههههههه

hager يقول...

ههههههههههههه
شرف شرف يعني :D

مامة مازن يقول...

اه انا قرات الخبر ده فعلا امبارح
اذا كان اللى بيتكلم اهبل يبقى المستمع عاقل
بتقولك 32 وبتقولك فرح بسيييط
وبتقولك قال ايه اتجوزنا علشان الناس بدات تتكلم
وبتقولك مهرها نسخة من القران الكريم
وبتقولك بشرفى

طيب اولا دى اكيد فشلت فى مادة المنطق بتاعة الثانوية
وبعدين لماتحلف بالشرف احنا نحلف بايه
وبعدين اكيد خلفت وهى عندها12
سبحان الله الناس دى فاكرنا هبل واللا لسه داقين عصافير
عموما اسفة انى دخلت منغير ما اقول السلام عليكم ورحمة الله وبركاته
وكمان مدونتك تحفة ما شاء الله
وكمان اسفة جدا للاطالة
تحياتى سوسة

حياة بلا روح يقول...

هههههههههه32 سنة

قبل ماتقسم تكتب اسمها هيفاء بس في محركات البحث وتشوف النتيجة

علشان ايه كل الأرقام الي ادفعت فيها ديه كلها ..

فيها ايه هيفاء غير الميك أب وعمليات التجميل .. هي ماشفتش الجمال الأوربي الطبيعي ولا حنروح بعيد ليه ريف مصر فيه بنات آيه في الجمال والآخلاق وعايشين في فقر مدقع..


أطيب تحية

مصعب رجب يقول...

ليه كده بس يا أختي
طيب لما انتي تسيبي التدوين

مين يشغل المدونة ؟
الست هيفا مثلا يعني ؟

وبعدين مش حرام عليكي آخر بوست يكون عن هيفا وكمان عن شرفها اللى عمرها ما حلفت بيه ( لا صدق ولا كدب أصلا ) .

طيب اللى داخل المدونة جديد أول حاجة يشوفها في وشه ، بوست عن هيفا

والله كده حرام .

كيكى عوووووو يقول...

ياستى هو الكلااااااام بفلوس!!
الاقوليلى انتى بتروحى وتختفى فييييييييين
!!
عووووووووو

mostafa rayan يقول...

تدوينة نسائيه بحتة
هههههههههههههه
بصي بجد من حق كل واحد يعمل اللى هوعايزه
وابوهشيمة من حقه يدفع اللى هوعايزه
تحياتى ليكى

الفقيرة إلى الله أم البنات يقول...

معلهش
انا اسفه انى هاعلق ضد كل التعليقات
كل الكلام ده خوض فيها
وحتى وان كانت تعصى الله فالامر بينها وبينه
واظن اننا جميعا يجب ان نستغفر الله
من سخريتنا منها ومن كلامنا عليها
حتى وان كانت فيها ما يقال ومالايقال
لسنا مأهلين ان نكون حكام
مستفزين من الاسراف نتكلم عن الاسراف
ولا نتكلم عن شرف أو غيره
استغفر الله لى ولكم واعلم انه اوقات الاستفزاز يجعلنا نقول ما يغضب الله
ولكن يجب ان نستغفر الله

Miss. Sosa يقول...

الفقيرة الي الله ام البنات

البوست استنكار للقسم بالشرف بغض النظر عن ماهية الشرف ده ..و استنكار القسم بالشرف لانه غير جائز القسم بغير الله مش لانها ست عديمة الشرف
حاشا لله اني اخوض فى اعراض وشرف حد

والموضوع كله اكاذيب روجوا اكاذيب وارادوا التصحيح بمزيد من الاكاذيب واحنا الشعب المغفل اللي لازم يصدق ويقول آمين

تحياتي

ســـهــــر يقول...

ههههههههههههههه
بس الحق يتقال هى قالت لعمرو اديب انا 32 سنه مش زى الناس اللى بتصغر فى سنها
بس عمرو اديب بصراحة كان قليل الزوق معاها جدا سالها كم سؤال غبى كدة والهيفا توهته

انا الولية دى بكرها عما الله يحرقها بجاز يا شيخه

اة اة قالت كمان ان بنتها باركت الجوازة وان علاقتها بيها ميت فل وعشرة

غير معرف يقول...

على راى الفنان الكبير ستبفان روستى
عندها شرف ، جاتها ال......رف
و عموما اللى بيحصل مابقاش غريب علينا الموازين اتقلبت خلاصو البلد بقت ماشية بـ...... ضهرها
اعزكم الله و عافاكم

غير معرف يقول...

بالمناسبة هل اسم هيفاء دة اسمها الحقيقى؟ و لا اسم الشهرة؟
و اذا كان شهرة ياترى ايه اسمها الحقيقى؟
و شكراً

رنونة حكومة ميخو يقول...

هههههههههههههههههههههه
حلوة ماتحلفيش بشرفك تاني يا شيخة

يا ستى احنا مالنا بشرفها ده بينها وبين ربنا بقى
.....
انا اللى فارسني حكاية مهرها مصحف دي .. ليه فاكرة نفسها السيدة خديجة ... غلسة قوي بجد ..والاغلس منها ابو هشيمة وللاسف من بني سويف بلدي
يولع هوه واهله انه خاد واحدة كده
وراجع مصر بعد اسبوع من الجواز
هههههههههههههههههههههههههههههههههههههههههههههههههههههه

Mohammed Salaheldeen يقول...

:D :D :D :D
ليه يا شيخه سيبي البنيه تحلف بشرفها
هي حيلتها غيرها
وبعدين هيفا دي قدوه لبنتنا اللي المفروض الكل يحذو حذوها ويكون اول الناس اللي يأيدها في كده هو العريس
ويابختك ياحمد على رأي عمرو اديب

Bauschuttentsorgung Wien يقول...

الجديد .. الجديد .. الموضوعات الجديد فين ؟؟

Bauschuttentsorgung Wien يقول...

ضحكتونااااااااا

Umzug nach Luxemburg يقول...

الله يعينكم على المجهوووووووووووووود :)