• لا تكن كمن عاش شطر حياته الأول يشتهي الشطر الثاني ، وعاش شطر حياته الثاني آسفا على ضياع شطر حياته الأول

السبت، 16 مايو، 2009

رسالة من كتكوت فصيح



السيدات والسادة من بني الانسان



عندما رأيت المقابر الجماعية لاخواني الخنازير (فكلنا بني حيوان) .. سالت دموعي الحارة وانفطر قلبي لهذا المشهد المأساوي من سوء المعاملة والقسوة وحشرهم في اللوريهات وسكب مخلفات مصانع الشبة عليهم ليموتوا ثم دفنهم فى مقابر جماعية بابو زعبل .. فجال بخاطري مشهد اخواني من الفراخ الذين حشروا فى جوالات وسكب عليهم الجير الحي ليأكل اجسادهم احياء .. لم يراعوا فينا ديكا هرما او فرخة على وشك البيض .. بل حزمونا كنفايات في اكياس وتركونا للكيماويات تأكل اجسادنا ولم يسمع كاكتنا احد .


وفى الوقت الذي اهتم الاعلام بمتابعه انفلونزا الخنازير ومتابعه اعدامهم و ذبحهم و بتعويض المربيين .. فقد اغفل هذا الاعلام اعدام الفراخ التي كبدت مصر خسائر تصل قيمتها المليار جنيه وتناسوا تعويض مربي الفراخ .. وفى الوقت الذي اجتمع مجلس الشعب ليتشاور في اعدام الخنازير ويصدر قرار جمهوري باعدامهم .. كان قرار اعدام الفراخ بديهي ومنطقي ولم تجتمع له رجال الدولة ويصدر له قرار جمهوري .. وفى الوقت الذي انتشرت مقالات تدين اعدام الخنازير حتى ان احدهم كتب مقالا يعتذر فيه للخنزير ويقول لو كان الامر بيده لصنع له تمثالا تذكاريا عرفانا بالجميل (طيب تمثال الخنزير ده هيبقي بخوار ولا من غير ؟؟ ).. وفي الوقت الذي هبت فيه منظمات حقوق الانسان والست بريجيت بردو ليدينوا اعدام الخنازير ويقروا بخطأ قرار الدولة .. لم تتحرك هذه المنظمات لتدافع عن الفراخ (يمكن علشان احنا ومربينا مكسوري الجناح)


بل ان جماعة عشاق المورتديلا هبت وعلى رأسهم احد المذيعين اللامعين بالدفاع عن الخنازير وابراز مدي اهميتهم في الطب وزراعة الاعضاء ومرضى القلب والسكر .. لنقل رسالة ضمنية " انتم هتموتوا من غير الخنازير يا متخلفين " .. ولا ادري لم سكت عشاق شاورمة الفراخ .. اهانت عليكم الفاهيتا والشيش طاووك لهذا الحد .. اتنازلتم عن البيض المقلي والمسلوق والاومليت بهذه السهولة ؟ !!


وكعادة المصري صاحب الدماغ الالمعي والافكار التي لم ولن يصل اليها احد سواه .. فقد طلعت علينا الست ام يوسف بفكرة جهنمية بعد ما دخنت علبتين سجاير كليوباطرا واختمرت نظرية المؤامرة فى دماغها وان انفلونزا الخنازير ماهي الا خدعة حاكتها لنا منظمة الصحة العالمية (بجلالة قدرها ) بالتعاون مع شركات الادوية كي يروجوا للتاميفلو (عقار الانفلونزا)



طيب يا ام يوسف لو استهان المصريون بالمرض وطلعت تقارير منظمة الصحة صح مش مؤامرة ولا حاجة هيبقي مصير الشعب ده ايه ؟؟ مش الحرص واجب برضو يا ام العيال .

ومما اثار ذهولي واطار ريشي وكدت اتحول لشركسي نحيل الرقبة .. انه بالرغم من هذا الظلم السافر لنا معشر الفراخ .. الا انا بني الخنازير لم يكفيهم كل ذلك بل انهم حاكوا الاكاذيب لاثارة فتنة طائفية .. ولا ادري ما هي علاقة الفتن الطائفية بالحيوانات ؟؟


هل الخنزير مسيحي والفرخة مسلمة ؟؟ لما هب المسيحيين للدفاع عن الخنزير بينما هب المسلمين بالدعوة الي اعدام الخنزير !! ونحن نطالب الخنزير بالافصاح عن ديانته فورا وعاجلا .. علشان نحدد مين اللي هيدافع عنه.

ما علاقة الديانات بهذا الشأن ؟؟

الخنزير دنس وقد دفع النفور منه عند الوثنيين إلى اعتباره قاتلا لرموز الخير؛ فروت الأساطير أنه قتل حورس عند المصريين القدماء وأدون (بعل) عند الكنعانيين وأدونيس عند الإغريق وأتيس في آسيا الصغرى, واعتبر رعي الخنازير في مصر القديمة من أحط المهن التي لا يقوم بها إلا المعدمون, ولا يدخل راعي الخنازير الهيكل ولا يتزوج إلا من بنات أمثاله وعلى من يلمس خنزيرا أن يغتسل, وهو محرم عند أهل الكتاب وإن خالفوه,
والخنزير محرم لحمه في الاسلام و قد علل النهي عن أكل لحمه بقوله تعالى (فَإِنّهُ رِجْسٌ)؛ والرجس Filth كلمة جامعة تعني أنه قذر ودنس ونجس يحمل الأذى والضرر, فهو مأوى للطفيليات والبكتريا والفيروسات يصدرها إلى الإنسان والحيوان .. ولكن هذا لا يعني ان نعذبه ونقتله ونبيده .. فلقد خلقه الله لحكمه اخري غير الاكل قال تعالي ( إِنَّا كُلَّ شَيْءٍ خَلَقْنَاهُ بِقَدَرٍ ) .. و الاسلام الذي حرم اكل الخنزير (لحكمه) هو الاسلام الذي ادخل رجل الجنة لانه سقى كلب وادخل امرأة النار لانها حبست قطة .. واذا كان المصريون همج قساة لا يرحمون الحيوان فالاسلام بريء من همجيتهم وقسوتهم .



واذا كان المصريون يعانون من عقدة الاضطهاد والفصام وازدواج الشخصية فلماذا لا تعرضوهم علي طبيب نفسي .. حتى يمن الله عليهم بالشفاء و يرتاح ابناء هذا الوطن (مسلمون ومسيحيون) .. بدل ما كل شوية تستنجدوا بماما امريكا ( الست حطت ايدها في الشق منكم يا ناس .. اكبروا بقي وحلوا مشاكلكم لوحدكم ).


ارى حال المصريين .. واضرب جناحا بجناح واقول يا ريتني كنت خنزير .. كان دافع عني ناس كتير .. ولاصبحت من المشاهير .. وسوبر ستار الاعلام والاعلاميين.


21 التعليقات:

غير معرف يقول...

فعلا إيه ديانة الخنزير؟ أنا أعتقد إنه يهودي الغريب إن الإسلام بيحرم الخنزير شحمه ولحمه وكل حاجة فيه والأغرب إن الخنزير بنص الإنجيل ذاته مكروه ومنبوذ من قبل السيد المسيح والكنيسة أغلبهم بيفتوا إنه مكروه والبابا شنودة نفسه مكلهوش خالص من ساعة ماتولد حتى الآن والأعجب إن اللي بياكل الخنزير في مصر قلة لا تعد على الأصابع تاكله من باب الفشخرة وتقليد الغرب يعني الموضوع مالوش صلة بالدين نهائيا بص اللي بيلعبوا بالنار من تحت لتحت لازم يعملوا من الحبة قبة ويشعللوا المسائل لكن مثيل النار في يوم تحرقهم ويعيش المسلمون والنصارى إخوة متحابين ولعنة الله على العملاء والمخربين ولتحيا مصر حرة مستقلة وطز في الخنازير ومن يدافع عنها

hager يقول...

الخنزير ديانته ايه سؤال مطرووح علي الساحه ومفيش مجيب :|

انا عايزه اعرف حاجه الناس دي فااضيه ولا بتستفضي نفسها
عاما الموضوع حيوي فعلاا ويا ريت البت فيه بسرعه
بدل ما نصحي بكره علي ازمه طائفيه :| :|

ايوشة يقول...

بصرف النظر عن ديانة الخنزير والفرخة هما فى الاول والاخر حيوانات وربنا امرنا بالرفق بالحيوان
وملناش دعوة بقى الديانات التانية بتحلل بتحرمه هو لما ربنا حرمه فى الاسلام قالنا اقتلوهم
عايزين يعدموه يعدموه بس بصورة رحيمة مش بالشكل ده

ســـهــــر يقول...

هههههههههههههه
اقول اية يا سوسة بس مسيحى ولا يهودى حتى دى ناس فاضية ثم ان يعنى يعملوا القلق دة كلة عشان يروجوا لعلاج ؟
كلام ميدخلش العقل من اصلة
وزى منتى قولتى ممكن جدا يعملوها فتنة طائفية لية لا ؟
انا شفت برنامج الحياة واحد قبطى عايش فى امريكا بيهاجم الحكومة وبيقولهم والخنازير ذنبها اية ؟

والنبى كان هاين عليا انط فى قلب الشاشة اقولة ابوس ايدك حل عنا

ولما حب يعمل قلق اكتر قال والناس القبط اللى بتفتح بيوت من تربية الخنازير الحكومة هتعمل معاهم اية ؟

رد واحد قبطى تانى فى البرنامج بجد عجبنى اوى قالة اتبرع انت وقبط المهجر واعملهم مشروع ههههههه
وهنا الراجل مايكل قال يا فكيك

انا طولت عليكى مش كدة ؟
سورى بقا يا سوستى المدونة مدونتى وقولت اعبر بقا

Soma يقول...

ديانه الخنازير؟
هي الحيوانات كمان ليها ديانه؟
وخانه ديانه بقي في البطاقه الشخصيه والباسبور وليله بقي.
والنبي ايه الناس الهابله دي, دي حيوانات مريضه لازم تعدم واصلا تربيتها بتجيب امراض من اساسه, و الطيور المريضه بس هي اللي بتتعدم والسليمه بناكلها
ربنا يكفينا شر المرض
وحشتيني يا سوسه

7BiBeT ABDO يقول...

ايه ديانه الحيوانات دى تخلف فعلا

ربنا يعافينا من كل حيوان مريض

يارب تكونى بخير يا سوسه

hamada يقول...

يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية "رواية سنوية سنقوم بنشرها في الجريدة"
4/ المقال الصحفي
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com
شروط المسابقة
1/ ..............................
2/ .............................
3/ ..............................
لا يوجد شروط الشرط الوحيد هو العمل الجيد , والعمل المحترم البعيد عن الإسفاف
المقالات أرجوا أن تكون تخص الانسان العربي , تاريخه , عاداته وتقاليده , مقالات إجتماعية وثقافية ....
أرجوا التفاعل معنا في الجروب على العنوان التالي
http://www.facebook.com/group.php?gid=45202724108#/group.php?gid=78080770039

3abratalsabeel يقول...

بصى يا بنتى
لما ظهرت انفلونزا الطيور قمات الدنيا برضه بس ما وصلتش يعنى للفتنة الطائفية

فى ناس كده بتصتاد فى الميا العكرة

وبعدين العيب عيب الحكومة مهى لو بلد متقدمة كانت راحت دفنت الزبالة فى الصحرا ...ولا زبالة الغرب تترمى فى صحرتنا وكلها كيماويات وبلاوى وزبالتنا اللطيفة تاكلها الخنازير ؟
ايه التفرقة دى ؟
البيت بيت ابونا ... كلف يا سيدى
صح كده ولا ايه؟

أحسن تـستاهـل يقول...

هيهيهيهيهيهيهيهي

يا بنت الايه يا سوسة.. تصدقي الواحد كان من زمان بقاله كتير ما دخلش عندك وانتي كمان كان بقالك حبة كتير منقطعة عننا

ارجوكي ما تبعديش اوي كده يعني حضرتك ما يصحش
هه
مش هكرر الكلام بأه على رأي ماما

المهم موضوع الخنازير ده اصلا الكلام فيه بيقرفني كده ويقشعرني وبحس باللزوجة واللحوسة
ايه رأيك في الألفاظ اللي غتت دي؟؟ ارف ارف يعني

هاتي بوسة بأه عشان هقوم اعمل الشاي
ممممممممممواااااااه
:)

مها ميهوووو

لاسع افندى يقول...

بس احنا فرحنا بانفلونزا الطيور لان البيض والفراخ تمنها رخص لكن الخنزير ده مش هنفرح بيه بس اعتقد اننا هناكله كلنا فى صور مختلفه لحوم مفرومه لنشون بلوبيف وكفته

بنت أبيها يقول...

:D

غير معرف يقول...

انتى فعلا سوسه ...........


خىغء

غير معرف يقول...

انتى فعلا سوسه


onyx

انت تسال والكمبيوتر يجيب يقول...

سعداءبالمرور هنا وندعوك للأشتراك فى برنامجنا الأذاعى من الأذاعه الرئيسيه لمصر اى أذاعة البرنامج العام ويذاع يومياالتاسعه وعشر دقائق صباحا عدا الجمعه.
سنشير الى مدونتك فى البرنامج اذا لم يكن لديك مانع
وننتظر تعليقاتك على ما نطرحه من اسئله وموضوعات فى مدونتنا وهذه التعليقات تذاع ايضا مع الموضوعات المعلق عليها
وبالمدونه يمكن الأستماع الى حلقات سابقه من البرنامج عن مدونات اخرى نختارها لتميزها.
وبموقعنا تفاصيل اكثر
المدونه
http://netonradio.blogspot.com
الموقع
http://stop.to/cairo
وبالموقع رابط تحت الساعه الى اليسار ليدخلك الى مجموعتنا على الفيسبوك واسمها انا والنت حيث يحكى الزملاء فى المجموعه حكاياتهم مع النت وندعوك للأنضمام اليه
تحاتنا وامنياتنا لك بالتوفيق

عبد من عباد الله يقول...

بس الفراخ ما تمش اعدامها ؟!!

الفراخ المصابه هى اللي كانت بتعدم زي اي حيوانات تانيه ، انا الخنازير القرار كان باعدام كل الاعداد حتى السليم منها .

Memo يقول...

كل يغني على ليلاه
اشي حقوق حيوان اشي ديني اشي اقتصادي
ـ ـ ـ ـ ـ ـ ـ ـ ـ
الواحد لو عنده فكرة و بيدافع عنها جميل
لكن المشكلة انو بيحصل خلط جامد جدا للأوراق

جحا المصرى يقول...

أكيد الرفق مطلوب فى كل شىء
حتى بالحيوانات بغض النظر عن ديانته
أتمنى دوام التواصل

انت تسال والكمبيوتر يجيب يقول...

ندعوك للأشتراك فى برنامجنا الأذاعى من الأذاعه الرئيسيه لمصر اى أذاعة البرنامج العام ويذاع يومياالتاسعه وعشر دقائق صباحا عدا الجمعه.

التفاصيل فى
المدونه
http://netonradio.blogspot.com
الموقع
http://stop.to/cairo

تحاتنا وامنياتنا لك بالتوفيق

Bauschuttentsorgung Wien يقول...

الجديد .. الجديد .. الموضوعات الجديد فين ؟؟

Container Entsorgung يقول...

حابيييييييييييييين نشوف الاخبار والمشاركات الجديدة !

Lagerung يقول...

والله العظيم انت سكرة ... ويااااااااااااااريت تواصلى الكتااااااااااااااابة
والله يوفقك يارب ويحقق لك امالك