• لا تكن كمن عاش شطر حياته الأول يشتهي الشطر الثاني ، وعاش شطر حياته الثاني آسفا على ضياع شطر حياته الأول

الأحد، 26 أبريل، 2009

أول سنة تدوين



يالله حالا بالا بالا حيوا ابو الفصاد
هايكون عيد ميلاده اليلة اجمل الاعياد
فاليحيا ابو الفصاد
هيــــــــــــــــــــــــــــــــــــــــــــــــــه

هو عيد ميلاده ماكنش الليلة تحديدا للامانه العلمية هو كان يوم الجمعة لان اول بوست كان محكمة بتاريخ 24-4-2008 , بس كنت منهمكة في البحلقة في الافق والتفكير في اللاشيء والمشي في اللاتجاه ..كل يوم انزل من بيتنا امشي في اللاتجاه وابحلق في الافق وافكر في اللاشيء بعمق شديد شديد فيجيلي صداع وانام .

المهم صحيت من غيبوبتي علي التعليقات لاقيت مفروسة بتقولي مبروك عيد ميلاد المدونة .. هي كانت في بالي والله بس البحلقة في الافق والتفكير في اللاشيء كانوا واخدني زي ماانتوا عارفين.
المهم قررت اقول لمدونتي كل سنة وانتي طيبة واقول لمتابعينها شوية اعترافات و اوائل.

أول مدونة عرفت من خلالها التدوين وكنت متابعة ليه ؟

أخف دم لأشرف توفيق

أول مدونة قرأتها فقررت بعدها اني لازم ادخل عالم التدوين واجرب؟

عجوز وعندي 30 سنة لأحمد سو

أول مدونة ليه ؟

zone4me و غيرت اسمها وقفلتها

أول تدوينة

بلا هــــويــــــــة
بلا ماض .. بلا حاضر..بلا قضية
رفعت الراية البيضاء عشية
وقطعت شهاداتي العلمية
ومحوت تاريخا ذاخرا بلا مسئولية
ودخلت حجرتي القصية
ورسمت دائرة بالارضية
وجلست بمنتصفها مبكية
وزعمت اني في خلوة نفسية

الخ الخ الخ

أول تعليق جالي ؟

كان من frakeghoast

أول مرة دونت فيها ؟

كان بعد فسخ خطوبة على طول .. وكنت اول مرة اكتب في حياتي اصلا يعني .. واستغربت ان الناس استحسنت اللي بكتبه .. وكنت ولازلت مش مقتنعة اني بعرف اكتب حاجة.

التدوين بالنسبة لي

نوع من التفريغ النفسي زيه زي التفكير في اللاشيء والمشي في اللاتجاه

التعليقات بالنسبة لي

مقياس محبة الناس ليه او مقياس مجاملاتهم ليه .. انا متابعه لكتير جدا من المدونات بس من غير تعليق , اولا علشان اخرج من دايرة المجاملات التعليقية (انت تسيبلي تعليق فانا لازم ارد الزيارة واسيب تعليق) , ثانيا مش بعلق وانا فى موود مش مظبوط علشان مااسخفش علي حد بدون ما اقصد .. ومش بتابع المدونات اللي بتتكلم عن نفس موضوع مدونتي علشان مش اتأثر بيهم في كتابتي واحافظ علي طابع مميز لمدونتي من بنات افكاري.

أمنياتي لمدونتي


في سنتك التانية اتمنالك نجاح اكتر .. حب الناس ليكي يكتر .. السرقة منك تقل .. تفضلي دايما بسيطة خفيفة متألقة.

26 التعليقات:

MǿиY El-Shreef يقول...

كل سنة وانتي طيبه يا ميث وعقبال 23 سنه تدوين

اشمعنة 23 معرفش :D

بس بجد ياريت ترجعي تكتبي كتير كده وتسيبك من البحلقه والحجات دي

وحشتيييييييييينا

وكل سنه وانتي طيبه كمان مره

^-^

بنت أبيها يقول...

كل سنة وانتي والمدونة في تقدم دائم

ومحققة كل اللى نفسك فيه واهدافك

واحدة مفروسة يقول...

هيييييييييييييه
انا اول واحده قالتلك كل سنة و مدونتك طيبه
صح؟؟؟؟

Soma يقول...

كل سنه وانتي والمدونه الجميله بخير :))
ومين قال مبتعرفيش تكتبي؟؟ دانتي استاذه يابنتي.
وافضلي كده بحلقي لحد ما تتحولي.
تحياتي :))

قلب ارهقته الاحلام يقول...

كل سنة وإنتي طيبة ياقمرر

أجمل حاجة والله البحلقة ف اللاشيئ

والتفكير ف لاشيئ والمشي بلا أي هدف

الا اللاشئ ,, أخيرا لقيت حد زيي :)

مش تتأخري علينا بأة بتوحشينا بجد

حياة يقول...

كل سنة و أنت طيبة وعقبال 100 سنة تدوين ومن ابداع الى ابداع

الله ييسر لك كل الخير والنجاح والسعادة في كل حياتك

radwa يقول...

كل سنه وانتى طيبه يا سوسة
عقبال 50 سنة فى التدوين

على فكره
بحب مدونتك جدا جدا جدا
بتابع في صمت وبمشي
بس بقالي فتره ماجيتش عالم التدوين ككل

كل سنة وانتي طيبه
وان شاء الله السنة الجايه تكوني حققتي اللى بتتمنيه في عالم التدوين ..
ورررررررده

hager يقول...

yea yea yea
toooooooooooooooooot toooooooooooooot
kol sana w el blog b5eer w ya rab dayman mt3mar b el posts

w yarb sa7betoh tkoon b2lf se7a w salama

كيكى يقول...

لولولووولىىىىىىىىىىىىىىىىىىىى
لولوولولىىىىىىىىىىىىىىىىىىى
مبروووووووووووووووووووك
وازيييييييييييييك ياقمر اية اخبارك والله ليكى وحشة
كل سنه وانتى والمدونة بخير والمرة جايه تخويها ان شاء الله!!
معلش سؤال واقف فى زورى مين سانحوى دة؟؟
عوووووووووووووو

ايوشة يقول...

كل سنة وانتى والمدونة طيبين وعقبال 100 سنة تدوين

مياسي يقول...

ألف مبروك السنه الأولى

ومع إني متابعه صامته بس أحب أحكيلك إني بستمتع بمدونتك جدا وكتابتك واقعيه وكوميديه وجميله


تحياتي

MaNoOoSh يقول...

كل سنة وانتى طيبة.. وبطلى تكتبى مواضيع حلوة علشان متتسرقيش تانى
ههههههههههههه
لا بجد ربنا هيجيبلك حقك ان شاء الله

maiosha يقول...

كل سنة وإنتى طيبة يا سوسة

وعقبال 1000000000 سنة

وتشوفى مدونتك أحسن وأحسن
ومن نجاح لنجاح

هبة ربيع يقول...

سنة حلوة يا سوسة
:)

يوميات شاب منوفى يقول...

عقبال مليون سنة بس انا مش هبقى موجود انا اول مرة اعلق عندك انا متابع مدونتك من فترة يارب تقبلنى

ســـهــــر يقول...

كل سنه وانتى والمدونة بالف خير
ودايما منورة عالم التدوين يا قمراية

kochia يقول...

كل سنة وانتي طيبة
وعقبال سنين كتير تكتبي فيها اللي تحبيه
ومدونتك بخير

تحياتي

ذكري رحبل قلم يقول...

كل سنة وانت طيبة ومدونتك طيبة يا جميلة
ويارب العام القادم تكوني انت ومدونتك مع الزوج الصالح دينا وخلفا

bos bos يقول...

كل سنه وانتى ومدونتك بكل خير
وعقبال مليون سنه

تحياتى

NeNo يقول...

كل سنه ومدونتك اللى بجد بتعجبنى اوى بخير
ويارب كده مش تبقى اول سنه تبقى 651545048788541 دول لو تعرفنى تحسبيهم قوليلى هههههههه


ويارب الناس تبطل تسرقك يارب يختى

magi يقول...

كل سنه وانت طيبه وبخير يا رب

حـــــدوتـــــة يقول...

السلام عليكم

كل سنة ومدونتك اكثر انتشار ونجاح وتألق
وعقبال عيد ميلادها رقم 100
بس ياريت ساعتها تبقى لسه فكرانا

سلالالالالالالالالالالالالالالالالالالالالام

Miss. Sosa يقول...

ربنا يخليكم ليه يارب
كل سنه وانتم طيبيين وبكل خير وحب وسعادة

مفروسة ليكي السبق طبعا :))

شكرا ليكم جميعا

لاسع افندى يقول...

عقبال 100سنه تدوين

TheGrace website / موقع النعمة يقول...

Warm welcome to Alnemat TheGrace Arabic Christian Internet Magazine, We love you! Please visit us at:

In TheGrace opportunity to meet Jesus the Savior / ‏في النعمة فرصة للقاء يسوع المُخلِّص
http://www.TheGrace.net
Salvation pardon peace life certitude mercy in Jesus/‏خلاص غفران سلام حياة يقين رحمة في المسيح
http://www.TheGrace.org
Arabic Christian Magazine The Grace offering the Arabic Bible ‏النعمة تقدم الإنجيل الكتاب المقدس
http://www.TheGrace.com

نتمنى لكم الفرح والسلام والمحبة, لأن السلام افضل من الحرب والمحبة افضل من الكراهية, والنظام أفضل من الفوضى. والحق ضد الظلم , كما ان النور والحرية أفضل من الظلمة والقيود. ايضا التسامح والبركة خير من الحقد واللعنة. هكذا الإنقياد بالصلاح والتعقل فائدة من هيمنة الشر والتسرع بما لا يقاس.
سلام لكم في محبة الله. نتأمل زياراتكم الكريمة لموقع النعمة موقع مجلة النعمة يقدم كلمة الله الكتاب المقدس الإنجيل رسالة السيد يسوع المسيح قراءات مختارة مواضيع مصيرية قصص واقعية شهادات شخصية ترانيم ممتازة ردود مؤكدة كتب بنّاءة رسوم تسالي تأملات يوميات
Bible in Arabic Audio Read search Studys Stories Testimonies Hymns and Poems Answers Books Links Daily devotions Acappella Music Graphics /Alnemat Journal Arabe Chrétien La Grâce la Revue Arabe sur Internet offre La Sainte Bible Al-Injil L'Evangile de Jésus Christ gratuit, Bienvenue a La Grâce.

Müllentsorgung يقول...

شكراً لكم ع الموضوعات المتنوعة ... موفقين :)