• لا تكن كمن عاش شطر حياته الأول يشتهي الشطر الثاني ، وعاش شطر حياته الثاني آسفا على ضياع شطر حياته الأول

السبت، 18 أبريل، 2009

لأ ده كتير .. لأ ده حرام


لأ ده كتير .. لأ ده حرام


اللي بيكدب يبقي حرام .. ويخاصمه كله الشطار


واللي بيسرق برضو حرام .. و هيبقي من الاشرار


واللي بينتحل شخصية غيره برضو حرام .. واخرتهم كلهم في النار

------------


دي دعوة لمخاصمة كل الناس اللي بتكذب و بتنتحل شخصيتنا وتعمل جروبس ع الفيس بوك باسامي مدوناتنا وسارقين باترتنا وصورنا وافكارنا وكتابتنا واحنا بنتفرج . لأ والاغرب ان الصحافة بتتكلم عنهم واحنا برضو بنتفرج .


الحكاية وما فيها ان صديقة سنغافورية بتكلمني ع الماسنجر بتقولي انهم كاتبين في الاخبار عني .. زهلت واسبهليت قولتلها عني !! ازاي ده ؟ انا طلعت مرتين قبل كدا بس كان فى صفحة المتفوئين .. لكن دلوقت مش معقول يكونوا ادوني جايزة الدولة للتخريب العلمي .. لأ لأ انا لسه ماعملتش التخريبة الكبيرة ولا قعدت علي تلها لسه.. اكيد اضغاث احلام . قالت لأ لأ وغطست شوية ورجعت معاها ملف تقولي اقبلي .. قبلت لاقيته خبر في جريدة الاخبار بتاريخ 14-4 بيتكلموا عن جروب نصائح ابلة سوسة للقضاء عن العنوسة



قولتلها يا شيخة قلقتيني .. ديه اشاعات مغرغرة .. ديه البنت اللي منتحلة شخصيتي ع الفيس بوك
انا افتكرت اني اتفضحت في الشغل وعرفوا اني بتكلم عن العنوسة ولا افكاري المعادية لصنف الرجالة طلعت للنور واهلي علموا بيها وعرفوا اني انا اللي بطفش العرسان مش هم اللي بيطفشوا لوحدهم وانا عاملة فيها بريئة.

بيس يا بنتي بيس طالما اهلي ما عرفوش ولا الشغل شموا خبر يبقي جت سليمة .


قولت ادور شوية علي جوجل (حليب قلبي) اشوف اخبار مدونتي وصلت فين لاقيت الناس بتتكلم عن الجروب اياه برضو واللي نوهت قبل كدا ان صاحبته منتحلة شخصيتي وسارقة البانر والصور ومقلباني صح يعني الله يسهلها


-------------

يا جماعة مش معني اني مش غاوية بروباجندا ونشر يبقي افكاري وكتاباتي (اللي مالهاش لازمة) تتسرق


ومش معني اننا ع النت يبقي السرقة والكذب وانتحال شخصية بعض يبقي حلال


السرقة سرقة والكذب كذب فى كل مكان وزمان


والحرامي حرامي مالوش مسمى تاني

-------------

وننوه تاني علشان الناس تاخد بالها او يمكن الحرامي ياخد باله ويدرك ان اللي بيعمله ده اسمه سرقة وانها لو كبرت في دماغي هدخله السجن

كلاكيت تاني مرة

يا جماعة في جروب صاحبته منتحلة شخصيتي وعاملة جروب باسم نصائح ابلة سوسة للقضاء علي العنوسة الجروب ده لا يمت لي بصلة والبانر والصور والبوستات متاخدة من هنا


والجروب بتاعي باسم المدونة الطريق الي الكوشة

-------

شوية ايجابية بقي


اول بوست في المدونة اتنشر بتاريخ 27-4-2008


اول بوست ملطوش اتنشر في الديسكشن بورد بتاع الجروب بتاريخ 31-5-2008





خلاص صدقتوا اني بتسرق ..انا عارفة انكم مصدقين بس زيادة تأكيد


طيب عايزين تساعدوني ؟

تعالوا نقفل الجروب ده نعمل report عليه
افتح صفحة الجروب نصائح ابلة سوسة للقضاء علي العنوسة
انزل بالسكرول بار لتحت هتلاقي اخر الصفحة شمال
Report Group


هيطلعلك ويندو



2-Reason

السبب هيطلعلك 4 حاجات - (موقع اباحي - بيهاجم اشخاص او مجموعات - تعاطي مخدرات - عنف)

-Nudity and pronography

-attacks individuals or groups

-Drug use

-Violence

فانتم وذوقكم اختاروا اي سبب من دول بس انا برشح السبب التاني

3- additional comments

سيب تعليق فانتو وذوقكم قولوا اللي ربنا يقدركم عليه

the owner of this group stole the idea, thoughts, banners , and posts from another blog

وهنيالك يا فاعل الخير والثواب و ما أشوفوكومش مسروقين ولا منتحلة شخصياتكم يارب

31 التعليقات:

مصري بالغربة يقول...

ازيك يا سوسه
وحشانا جدا جدا بجد
من زمان ما قرنالكيش يعني

على فكره انا دخلت للجروب ده من زمان وكنت فاكر بردوا ان انت اللي عاملاه بجد
وكنت مبسوط فعلا بيه كمان
بس طلع ملطوش منك يا خساره
وتحياتي ليكي

MǿиY El-Shreef يقول...

الناس دي بجد ناس وحشه اوي

تقدري تفضيحهم يا سوسه عادي

انتي بس ف وشها و وسط الجروب وقولي

اصلا انتي مافيش منك اتنين يا اختي

حتى الي بتقلد هتبان

ربنا ياخدلك حقك ان شاء الله

MaNoOoSh يقول...

كويس انك نبهتينا
والظاهرة دى بقت تخنق جداااااااااا
وانا حاولت للأسف انى اعمل تبليغ لللفيس بوك عن ان الجروب مسروق معرفتش.. ياريت لو فيه طريقة تبلغى بيها ادارة الفيس بوك وتوريهم ان المدونة تاريخها يسبق انشاء الجروب ويمكن يكون عندهم دم ويلغوا الجروب سارق الافكار

واحدة مفروسة يقول...

يادى النيلة
يادى الفرسة اللى بتنزل على الواحد زي القضا المستعجل
ده ايه القرف ده و الله انا اتفرست يا سوسة و دمي اتحرق
يا شيخة ديه بقت حاجة تفرس بجد الناس مش عافه تعمل ايه فبتسرق افكار و تسرق فلوس
سا خرااااابي و الله مفروسة جداااااا
بس تصدقى الغلطة غلطتك
ايون صدقيني
حد قالك تكتبي كلام حلو و افكار جميلة
اكتبي كلام يفرس زي اختك و انتى مش تتسرقى
اللهم اجعل كلامنا خفيف عليهم
لاروحي يا شيخة اتفرست اكتر من انى مفروسة
نفسي اعتر فى اللى منتحلة شخصيتك و اعلقهالك على باب المدونة
اللى داخل و اللى خارج يديها بالقفا
سلام حوح للبت سوسايتى تريحلى اعصابي

Medus يقول...

عزيزتى
لا اعلم ما هو الشعور الذى يشعر بة السارق لافكار غيرة دون ان يتعب هو فيها ويقوم باعادة نشرها دون التنويه الى صاحبها الاصلى!! اكيد شعور بالذنب
تحياتي والى الامام

magi يقول...

انا كمان اتسرقلى ايميل عاااااااااا
الناس دلوقتى بقت تستسهل سرقه الناس وانتهاك خصوصيتهم
بس ولا يهمك دى واحده عايزه تتشهر على حسابك
تصورى انها حاطه اسمها بالكامل وصورها

maiosha يقول...

ايه اللى جرى فى الدنيا
بجد حرام حكاية السرقة العلنى دى
صحيح ممكن الناس تشوف إن أفكارنا وكتاباتنا مش واو ورهيبة أوى علشان تتسرق إنما برضه أهى بتاعتنا وطالعه من جوانا وخد حيز من تفكيرنا

أنا معاكى يا سوسة قلبا وقالبا
وهنشر الموضوع ده أنا وأصحابى وهندمرلك الجروب ده خالص

دونت ورى

قلب ارهقته الاحلام يقول...

معلش ياسوسا

اصلا مبقاش فيه ضماير للناس علشان

تكلميها أو تحاولي تحركيها

بس احسن حاجه انك نبهتي الناس

ال اشتركوا يمكن ف الجروب عشان سوسا

الاصليه مش التقليد :)

تحياتي ياقمر

kochia يقول...

انا للاسف كنت مشتركة في الجروب
لكن انا مش بحب الحاجة المسؤوقة ابدا
والمفروض تنشري الامر بشكل اوسع من كدة
وانا مش عارفة ازاي
علي العموم انا عملت اللي قلتي عليه

تحياتي

الطائر الحزين يقول...

تم

esraa يقول...

خلاص ياقمر
عملت ريبورت للجروب
(:

د/ رامي شهاب الدين يقول...

للأسف مفيش قوانين وضوابط كافية على شبكة الإنترنت تحمى حقوق الملكية الفكرية ..وإن شئتى تحرى الدقة قولى مفيش أصلا

شئ يغيظ لما تلاقى حد يسرق مجهودك وينسبه لنفسه .. وتضامنا مع حضرتك أنا عملت ريبورت أبيوز

تحياتى

حياة يقول...

هو اصلا مافيش غير سوسة واحدة

الي انتحلت شخصيتك ونسبت مجهودك وافكارك ليها ماعندهاش ضمير والي عملته هو سرقة حقوق الملكية الفكرية وانتحال شخصية يعني نصب وعقوبتها 7 سنين في القانون .. حاعمل ريبورت على الجروب حالا ..

الله يوفقك
أطيب تحية

Medus يقول...

كل عام وانت وكل المصريين بالف خير وسلامة
تحياتي والى الامام

فك زنقة يقول...

يا نهار ابيض ...اية شغل الحرمية اللى ماشى فى البلد دة..حتى فى النت كمان يا جدعان..بسى انتى ممكن تعملى حاجة...تاخدى ادمين وتكتبى اسم المدونة وينسبوا ليكى المواضيع ....بس كلميهم بالزروق الاول ..لو منفعش نشيل الجروب من على وجة الفيس بوك

MaNoOoSh يقول...

تم عمل ريبورت للجروب على الفيس بوك خلاص يا عثل

ســـــاره يقول...

عادي انا قبل كده اتسرقتلي خاطرة ونزلت في منتدى تاني وسبحان الله كنت مشتركة في نفس المنتدى :)

بالنسبالي كانت سرقة على خفيف..انما انتي واضح ان المسألة كبيرة عشان كده لازم وقفه..
ليه ماتحاوليش تبعتي لصاحبـ/ة الجروب وتتفاهمي معاهم على انهم يقفلوه او يغيروا اسمه والبانر او ينوهوا على الأقل ان ده لايمت ليكي بصلة ..

شفقة هانم واحسان بك يقول...

معلش يا سوسة اصل الحرامية كتروا اوى اليومين دول
ومش عايزينك تغيبى تانى
كل سنة وانتى طيبة

Soma يقول...

معلش يا سوسه متزعليش, دي اكيد مش هتنجح في حاجه اساسها السرقه,
وبعدين انت الاصل يا جميل
هنساعدك اكيد عشان كلنا بنحبك :)

بنت أبيها يقول...

ايه الاستهابل ده

ان شاء الله ادخل واعترض ع الموضوع

غير معرف يقول...

والله انتي زي العسل ياسوسه ماتخافيش انتي برضه الاصل .

ذكري رحبل قلم يقول...

السلام عليكم
معلش ياسوسة ديه ضريبة النجاح
ع العموم في كود ممكن تضعيه في المدونة يمنع استخدام الماوس يعني محدش يقدر ينقل صورة اويحمل موضوع
تحياتي لك يا قمر
بس سمحيني انا مش ها عرف اعمل الخطوات المذكورة ادني الموضوع شرفيني بزيارتك يا مس سوسة اتمني التواصل
وعلي فكرة انا جيبة مدونتك من علي جوجل يعني كتبت مدونة مس سوسة ودخلت علي صفحة دليل المدونين المصريين وكان الرابط موجود في الصفحة وعمري مانسي انك اول وحدة ارسلتي لي تعليق في مدونتي القديمة اللي انا حذفتها لاسباب معينة
وكان موضوع عن استبداد الرجل للمرأة
تقبلي مروري ودمتي بخير انت ومدونتك

فشكووول يقول...

ابله سوسه النوسه كونوسه
ازيك وازى حالك
هو السرقه بقت كمان على النت
طب واللى مش يعرف يتصرف زيك ويعرف يروح وييجى فى النت يعمل ايه
ربنا يستر وما حدش يسرق فشكول
تحياتى

ReEm يقول...

انا فعلا دخلت الجروب ده

و بجد غباء حتى في السرقة طب الواحد

يستلهم يقتبس انا شغل قص و لصق ده

بجد غباء

MaNoOoSh يقول...

مس سوسة.. ينفع ابعتلك التاج اللى عندى؟

hager يقول...

الاول بجد حراام اللي البنت دي بتعمله وربنا يسامحها بقي لاني بجد كل ما اشووف الجروب اضايق علي العموم حاضر هعمل ريبورت من عنيا :)

ثانيا بقي اضيفلك حاجه جديده تسمعي عن اخبار خفيفه اللي بتتذاع الصبح في الراديو جدتي من عشاق سماعها فبالتالي انا بسمعها غصب عني المهم كانوا بيتكلموا علي الجروب ده اللي علي الفيس بوك

فيين حلاوه الخبر :P
اخر حااجه الشباب علي الفيس بوك اعدين يسالوها ويقولولها انتي مش صاحبه البلوج يعني هتتعرض لموقف محرج اووي قريب .. متقلقيش :))

سلاام

واحدة مفروسة يقول...

كل سنة و مدونتك طيبة النهارده عيد ميلاده
مش انتى قلتي اول بوست اتنشر 27 ابريل 2008؟؟

نجمة قمر حبيب و بعيد يقول...

السلام عليكم و رحمة الله و بركاته
اول تعليق ليا عندك و ارجو تقبله
موضوع السرقة ده حرام و اكيد شىء ينرفز بس يمكن جديدة على البلوجرية فــ دمى مش مجروق اوى
بس عندى سؤال السارق تقطع يده على سرقته شىء مادى صح ؟
طيب السرقة الاون لين ده عقوبتها تبقى ايه ؟
على فكرة موضوع رجال من المريخ و نساء من الزهرة يجنن
عجبنى جداااااااااا
و فكرنى قد ايه انا رغاية اوى
هقرأ الكتاب و ارجع نتنقاش فيه
و اسمح اضيف رابط موضوعك على مدونتى الصغيورة
و اسيبك بقه و اكمل قراءة مدونتك اللذيذة اوك
سلام من نجمة قمر حبيب و بعيد بس خنقاه برغى الكتير

غير معرف يقول...

Done

sameh ezzat يقول...

انا بلغت عن الحروب الحرامي ويارب يقفلوه

غير معرف يقول...

V2 еcigs prоmiѕes operatіng numbeгs of pure
nіcotіnе, which еssentіally
logіcally, as nicely as niсotine uѕеr сrаves tо cigагettes.



Heгe іs mу ѕіte :: V2 Cigs Coupons