• لا تكن كمن عاش شطر حياته الأول يشتهي الشطر الثاني ، وعاش شطر حياته الثاني آسفا على ضياع شطر حياته الأول

الجمعة، 31 أكتوبر، 2008

تنبيه لابد منه


أثناء تصفحي لجروبات الفيس بوك امس وجدت جروب باسم
نصائح أبلة سوسة للقضاء علي العنوسة وادمن الجروب Mis Sosa كما ادعت .. ولوجو الجروب هو بانر مدونتي .. وديسكربشت الجروب هو نفسه ال About Me هنا .. والموضوعات بالديسكشن بورد هي نقل لبوستات المدونة بدون الاشارة الي او وضع لينك مدونتي او الرجوع الي في هذا .. وفي هذا تعدي سافر لكل حقوقي الفكرية و الكتابية ... (سامحك الله يا من ارتكبتي هذا )


وفكرة الجروب كانت موجودة بالفعل .. وانشأت فعلا من 4 شهور
جروب قعدة الخزانة ولا جوازة الندامة للبنات فوق سن 25 ولم يتزوجن بعد .. وهدفه هو الفضفضة ومناقشة مشاكلهن والقضاء علي الفراغ وعدم الشعور بالوحدة .. لان من تأخرت في الزواج مهما روت للاخرين مشاكلها ومعاناتها فلن يشعروا بها علي العكس لو روت لمن يشاركنها نفس المشكلة



لا تشكو للناس جرح انت صاحبه لا يألم الجرح الا من به ألم


الا انني عزفت عن الفكرة ولم ادعو احد الي الجروب .. لاني اعلم اني لن اجد الوقت لادارته .. ولا املك صديقات علي الانترنت لاولي لهن مسئولية ادارته او ان يكن متحمسات للفكرة.

فلزوار مدونتي وللمشتركين بهذا الجروب .. صاحبة هذا الجروب ليست انا وانا لا أملك الوقت لادارة جروب .. ولا للشات مع احد .. ولا املك ايميل علي هوتميل .. و كما ترون هنا انا اكتب بوستاتي بالعافية ونادرا ما اكتب في التعليقات لقلة الوقت وليس لكبر او غرور مني .. واعلم ان هذا يضايقكم لكن تلمسوا لي العذر فأنا اعمل وادرس وعندما ساقف بين يدى الله فسيسألني عن عملي والعلم الذي حملت امانة توصيله ولكن لن يسألني عن عدم الرد ع التعليقات بمدونتي .. واعتقد انكم ستتفهمون ذلك لانكم كمحبي للاصلاح ودعاة له .. تعلمون ان لا اصلاح بدون عمل .. ومن غير المنطقي ان اكرس كل وقتي للثرثرة علي صفحات الانترنت بدون ان يكون لي دور ايجابي في الحياة.

16 التعليقات:

الكحيان يقول...

هههههههههههههههههههههههههههههههه
والله هذا إن دل على شيء فإنما يدل على الإعجاب الشديد بمدونتك، ويدل على الحسد الذي أكل قلب السارق المسوس ففعل فعلته التي فعل وهو من الظالمين، وهذا والله ياسوسة سارق من السراق الذين يعج بهم مجتمعنا، لا تحزني فرب ضارة نافعة ... لن يفلته الله حتى يقتص لك منه، ويكفي السارق فضلا أنه حرك سكونك لتكتبي لنا جديدا وتمتعينا - رغم كثرة مشاغلك- فلتحملي حملة شعواء على السراق الجدد، كان الله في جارك

لماضة يقول...

حسبي الله ونعم الوكيل
حاسه بيكي والله عشان حصلت معايا
وكويس انك نبهتي بجد
مش عارفه ليه بيعملوا كده
مع انك لو كانت استئذنتك اكيد كنتي هترحبي جدا
معلش يا سوسا وكويس انك قلتي

واحدة مفروسة يقول...

ياخبر اسود و منيل بستين نيلة
ربنا يستر علينا
و الله ربنا يستر علينا
معلش يا سوسة حاسة بالفرسة اللى انتى فيهاو الله
انا لو منك كنت قضيت على آخر شعريتين فاضلين فى دماغي
حسبتا الله و نعم الوكيل

واحدة مفروسة يقول...
أزال المؤلف هذا التعليق.
Miss. Sosa يقول...

الكحيان
========

والله ده ان دل علي شيء فيدل علي في ناس فاضية كتير وماوراهاش حاجة تعملها .. بس ده عادي وطبيعي جدا في رحاب العالم الافتراضي


============

لماضة
====
ربنا يهديها او يهديه ويشوفله حاجة مهمة يعملها في حياته
ولو نفسها تعمل جروب لمدونتي واستأذنتني والله ماكنت هقول لأ :d
بس تنوه للكاتب وللمدونة ماكنتش هعترض خالص

نورتيني يا مروة

================

واحدة مفروسة
==========

اسود ليه بس والله انا اول ما شوفت الجروب قعدت اضحك اضحك اضحك وبعدين ابتديت اشك في نفسي اقول يمكن انا اللي عملته ونسيت ههههههههه
يمكن بقيت امشي وانا نايمة واقوم من السرير افتح الكمبيوتر واعمل جروبات في اللاوعي وارجع انام

وقعدت اضحك علي كل هواجسي


وبعدين فوقت من الصدمة قولت لا انا ماعنديش ميل علي هوتميل وانا لو كنت عملته كنت حطيت لينك المدونة وبعدين كنت هديزاين لوجو مخصوص ده الجرافيكس ده متعتي يعني وبعدين انا ليه اكاونت ع الفيس بوك مش ده

فين وفين ادركت اني بتسرق فقعدت اضحك برضو

ههههههه

بنوته مصرية يقول...

معلشي يا سوسه

انا شايفة انك تشتركي في الجروب وتفضلي تقولي لي الادمن انهم سارقو مجهودك لحد ما يحذفو الجروب ويخافو من الفضيحه


انا شايفة ان ده نتيجة اني ملناش اي قانون لحقوق الملكية الفكرية المفروض نشوف حل للموضوع ده بجد
الناس تكتب وتتعب ويتسرق مجهودها كدا بلسهل

الجواز و سنينه يقول...

و الله يا بنتى عايزه اقولك ان كل حاجه دلوقت بتتسرق
و الانسان المريض اللى عمل كده فهو ماعندوش و لا الموهبه و لا الشجاعه انه حتى يقولك
بس كل ده عادى فى الزمن ده
ماتزعليش ادخلى انتى بس بهدليهم و همه هايتلموا

rovy يقول...

معلش مش جديده اليومين دول اصبحت السرقه فى كل شىء و طول الوقت و فى اىمكان ..
اما عن المزعوم فيس بوك فانا عن نفسى اكرهه و لا اجد لنفسى مكان به و لا استطيع التعامل معه و الان اصبحت لا ادخله مطلقا ..

حسبك الله و نعم الوكيل

تحياتى

Geo Amr يقول...

سرقة حقوق الفكرية دى انتهاك لفكار الاخرين وحسبى الله ونعم الوكيل

esraa يقول...

هو انا ماشفتش الجروب

بس كويس انك وضحتي لأن أي حد هيشوفه هيحسب انه بتاعك طبعا

ojg يقول...

والله دي ناس عجيبة
مادامت الفكرة عاجباهم
مايدلوا بدلوهم ويقولوا أفكارهم هما
او حتى ينقلوا بس بإستئذان منك
بس سيبك انتي
ده معناه انك ناجح يا جميل
وان كلامك رائع
والأصل هو الأصل برضو
:))

من غير عنـــوان يقول...

بصفة عامة مدونه لابد من التوقف أمامها

تمنياتي بالسعاده

غير معرف يقول...

موضوع جميل وجايه ف وقته

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

Kellerentrümpelung Wien يقول...

شكراً جزيلاً ع المجهود ... :)

Umzug nach Luxemburg يقول...

الله يعينكم على المجهوووووووووووووود :)