• لا تكن كمن عاش شطر حياته الأول يشتهي الشطر الثاني ، وعاش شطر حياته الثاني آسفا على ضياع شطر حياته الأول

الجمعة، 20 يونيو، 2008

الي عشاق سامر

الحقيقة ياجماعة مكنتش متوقعة إن سامر ياخد الشهرة دي
ده بقي اشهر من كابتن ماجد ....الناس كلها بتسأل عنه
عموما الموضوع كبر قوي ... ولازم نلمه بأي شكل .. لان شرف الراجل زي حلة الرز .. اللي لما تشيت ريحتها بتبقى وحشة .. واللي متابعش منكم إذاعة ال دابليو سي امبارح ... انا هنقله الخبر .
اعلن مذيع ال دابليو سي بصوته السيفوني الفخيم اصله خريج معهد كفر الدوار الحمَاري عالي النهيق
( سامر يبقي اخو سمير جوز اختي نهي ....يا رجالة )

بس قالها بالانجليزي قال يامينز
وبعدها نزلت مارشات عسكرية وأغاني وطنية
اوعى يغمن عليكم من المفاجعة

46 التعليقات:

بطوط حبوب يقول...

بقى سامر اخو سمير
ههههههههههههههه

طب الحمد لله

فاتيما يقول...

فيه ناس ربنا منزل عليها نباهة
قالت كدا المرة اللى فاتت و الله
جبتها بالويم كدا و قالت تشابه أسماء
طب إيه ؟؟
خلاص كدا
سامر اخو سمير و خلصنا ؟؟
كملى بقى
أنا قاعدة جنب الراديو أهو
و المذيع يا حبة عينى قاعد قصادى منكمش بالحرارة و متبرر بالبرودة
بسرعة بقى عشان مفيش مناديل ورق كفاية و الليمون غالى

kochia يقول...

هو الشهرة اللي اخدها سامر عاملة زي الممثل اللي دوره محدود بس بيعرف يخطف الكاميرا
وبصراحة الحلقة اللي فاتت قفلت عليه
يبقي لازم تفتح عليه المرة دي

تحياتي الغالية

واحدة مفروسة يقول...

ااااااااااااااااه
سامر اللي كان فى البوست بتاع نجاة
مش كده؟ و لا انا اتغبيت
عاوزينك يا قمرة معانا عند فرنسا و الرايق
إن شالله حتى فى التعليقات
بلييييييييييز
انا عارفه انتي بتستظرفى ناس و ناس لأ
بس أكيد حتلاقى فيهم حت تستظرفيه
بلاش انا
ماشى حتبقى مباراة لطيفه

habiba يقول...

سبحااااااااان الله بس ازاى ده كله الاخ يبقى اخو جوز اختك وانت ماتعرفيش والله ملكيش حق ابدااااااااااا
ثؤثؤثؤثؤثؤثؤ

عاشقة القمر يقول...

ما شاء الله ماشاء الله .. خمسه عليا خمسة عليا .. هههه .. النباهه بتخر مني .. اهو طلع اخوه زي ما انا قلت .. بس ايه يا سوسا اخدتينا انتي كده .. هو احنا كنا بنسأل عن صلة قرابته ولا ايه .. لا احنا كنا بنسأل عن دوره وفي الحوار .. يلا بقى بسرعة البوست التاني يكون فيه دور سامر .. وصاحب الصوت الذي لا ينسا اللي في التليفون واللي كان السبب في نجاة وفي سرعة البونيه نهي .. يلا يلا كلهم في السريع كده ولا هتحسي بحاجة خااااالص D:

funckydoctor يقول...

ههههههههه
توقعت كده والله
طب المذيع قال ايه تانى
وتم حدفه من البلكونة ولا ايه ماتكملى
تحياتى

واحدة مفروسة يقول...

سوسه 2 دكتوراه و 3 ماجستير
بسم الله ماشاء الله عليكي
و انتي معاكي ايه منهم؟؟؟؟
ربنا يعملك الخير كله يارب

خاطبة المدونات يقول...

نريد متطوعون لإنجاح فكرة المدونة
ومن يجد في نفسه حب الخير فليتفضل
elkhatbah60@yahoo.com

يوميات فنانه مفروسه جداا يقول...

والله كنت عارفه

هااااااااا وبعدين


انا هقوم اجيب فشار عبال ماتيجي تكملي

اجيبلك معايا

ماشي

انا مستنيه اهه

maiosha يقول...

يا سلام عليكى يا بت يا ميوشة يا جامده
أنا قولت كده المرة اللى فاتت ومحدش صدقنى .. يالا مش مهم

المهم بقى عايزة اعرف حكاية الأستاذ سامر كلها

شهد الكلمات يقول...

شكل البشمنهندز سامر ده ليه حكاية ربنا يستر مممممممممممم

و معلش اني ما علقتش علي البوست اللي فات و اللي طبعا زي العسل كالعادة

تحياتي

enjy يقول...

انا اول مرة اجى هنا ومش عارفة ايه الموضوع اساسا بس واضح من كلامك ان فى سامر وسمير وكمان اخوات يا سبحان الله

مجرد خواطر يقول...

سوسه يا سوسه هو انتى ليه مش بتردى على التعليقات هه؟ قولى قولى ما تتكسفيش

Miss. Sosa يقول...

سوسة يا سوسة مش بتردى على التعليقات ليه

من غير كسوف هقولك :

الحمد لله اغلب التعليقات مديح او استحسان واختك وش كسوف مببقاش عارفة ارد اقول ايه
هيبقى الرد مكرر

انا سعيدة انه عحبك , الله يكرمك , دايما رافعين معنوياتي . الله مايحرمني منكم

ثانيا لو رديت عندي يبقى بزود من تعليقاتي وده انانية فشايفة انه الافضل انى اتابع اللي بيتابعني واعلق فى مدونته وبحاول اعمل ده بقدر الامكان

ثالثا لو جاني تعليق نقد او سؤال فده اكيد برد عليه وحصلت قبل كدا

التعليقات جميلة و البناء و الناقد منها اجمل لكن التعليق فى حد ذاته مش هدف .. مجرد مروركم بصفحتى بيسعدنى وتعليقكم بيخبرني عن وجودكم

فلكم مني كل الحب والتقدير والاحترام

مجرد خواطر يقول...

السلام عليكم
شكرا يا احلى سوسة انك رديتى عليا وعلى فكرة انا مش اول مرة ازورك انا متبعاكى من زمان بس كان اسمى طائر حزين ومنعا للخبطة غيرت اسمى دلوقت وبقى مجرد خواطر واوعى تزعلى منى انا والله بانكشك عوزاكى تردى عليا

هبة النيـــــل يقول...

سوسة

جميلة المدونة ككل

وفكرتها حلوة

واحدة صحبتي متزوجة لسه بتقوللي أكبر غلطة بتعملها البنت في حق آدميتها ونفسها هي "الزواج"

الجدة فصيحة يقول...

السلام عليكم ورحمة الله وبركاته

تم الكشف عن شخصية سامر والحمد لله

لكن هذا لا يعتبر فصل جديد
مازلنا منتظرين
فصل جديد دسم المحتوى


تحياتي

المـــفـــــــقــــــــوعـــــة مــرارتـهــا يقول...

وايه ظروف الاخ سامر ده
وبعدين الفينال بتاع البوست اللي فات قلت هانلاقي لسامر ده حكاية
ايه حكايته سي سامر ده كمااااان

همس الاحباب يقول...

سامر اخو سمير
يا محاسن الصدف
والمذيع اعلنها صراحة كده
تصدقى يا اختى فرستينى
وخليتنى مفروس من ....
تحياتى

shayma يقول...

حلو خالص
بقى سامر اخو سمير
لا والله
مممممممم
طيب ها وبعدين
انتى يعنى بتفرسينا ولا بتذلينا يعنى
لااااااااااا
ماهو انتى لازم تكملى
وتحكيلنا دور سامر الى نفسى يبقى الى فى بالى
ههههههههههههه

سلامات يا سوسه يالى اخو سمير طلع اسمه سامر
يا فرستىىىىىىىىىىى

:)))))))))

امل يقول...

السلام عليكم
انا جيت عشان اعرف مين سامر لقيت المذيع بيعلن انه اخو سمير فاطمنت امشي بقه ههههههههههه .. تحياتي

ٍSOU يقول...

يا شيخة .. طب الحمدلله انها جت سليمة..اخو سمير يعنى..كان لازم جوالرعب دة !!

سوسا ومودى يقول...

يا سوسا بطلى الدبلوماسيه بتاعتك ديه
برضوا مش حتضحكى علينا بالكام سطر دووول
وسف أكرر عليكى السؤال مرة أخرى
مين يا سوسا سامر ده؟؟؟
وأنتى فاهمانى برضوا
عايزين التفاصيل النفسيه والقلبيه
ماشى؟؟؟؟؟

mohra يقول...

ما دامت بدأت بمارشات عسكريه يبقى اكيد اخرتها مش و لابد

hager يقول...

هههههههههههه
اكيد طبيعي سامر يبقي اخو سمير
ده الفرق حرف واحد يا ناااس يا هوووووو
شكراا يا سوسا علي التوضيييح D:

شفقة هانم واحسان بك يقول...

الحمد لله انك عرفتينا كنت هموت واعرف
هههههههه

mohamed يقول...

يا سلاااااااااااام و مشفتهوش في الفرح؟؟؟؟؟؟؟؟؟؟؟؟؟؟

rovy يقول...

وحشانى و بأعتذر عن تأخيرى وأنشغالى الفتره اللى فاتت و بعدين بوست واحد افوته يحيرنى كده طيب انا لازم ارجع واقرأه علشان اعرف ايه حكايه سى سامر دى .. و بما انه اخو الاستاذ سمير والحكايه فى بيتها ياريت تقولى لى ايه الحكايه .. اقصدى ما تتأخريش فى باقى الحكايه ..
دمت بخير و يااارب نفرح بيكى يا قمر قريب جدا جدا يااارب .
تحياتى
rovy

دكتور بهــدوء يقول...

سامر و سمير
واللهي لايقين اخوات
بس وده يمنع؟؟؟؟
المهم نعرف حكايته وخلاص
اخوه ولا مش اخوه

kemet يقول...

السلام عليكم ورحمة الله وبركاته
جزاك الله خيرا علي انك ضحكتيني باسلوبك الرائع
طريقتك في الوصف رائعة

جزاك الله خيرا

تحياتي
الي اللقاء

غير معرف يقول...

الله ينور يا باشاا بس كان عندي سؤال انا مستغرب منه انتي بتقولي في كلامك
اصله خريج معهد كفر الدوار الحمَاري عالي النهيق
ممكن اعرف المعهد ده فين اصلي بقالي 27 سنه عايش في كفر الدوار أول مرة اعرف ان في معهد بالاسم ده فيه ، ويا ريت تديني العنوان بالظبط علشان يمكن افكر واروح اخد دوره فيه علشان صوتي يعلي شويه ،
"" وهم البنات عنسوا من شويه ""
تقبلي مروري

blue-wave يقول...

ايه المفاجأة دى؟
معقوله؟
وهيا مصر بقت فى اسيا ولا ايه؟:))

أحسن تـستاهـل يقول...

نياهاهاهاهاهااااااااااااااااع

والله باراوا عليكي يا مها ميهوعرفتها لوحدي
أمال!! مش تعليم عالي

طب ها كملي،، وايه كمان،، لأ يا سوسة يا حبيبتي انا ما بصدق انك تكتبي حاجة اوعي تحنسيني ارجوووووووووووووكي

مها ميهوووو

كاتب مصري يقول...

هل يمكنني دعوتك لمدونتي
تحيتي وأنتظر الزيارة
سأكون سعيد جدا لو لبيت الدعوة
مدونتي هنا
http://kanyatklam.blogspot.com
ولو كانت هذه هي المرة الاولى التي ازور فيها مدونتك فأعدك أن لا تكون الاخيرة أبدا
منتظرك

حل وسط يقول...

طبعا انا لا اعرف سامر
ولا سمير
وعرفت نهى من البوست اللي فات
دي اول زيارة
وانشاء الله مش الاخيرة
شرفتيني

رئـــــيسـة حزب الأحلام يقول...

انا قلت كدة برضه
اصل سامر جايه من سمير
بنفكر بضمير

شفقة هانم واحسان بك يقول...

فينك....نداء الى سوسة
وحشتينا مووووووت

عروسة ننوسة يقول...

يووووووووووووووووووووووووووووووه .....فين الجديد يا كسلانه

الفارس الملثم يقول...

يا سلام افادكم الله , بس وبعدين سامر ده دوره ايه في الحكايه ولا الدور بتاعه خلص علي كده ؟؟؟؟؟؟؟؟؟؟


ممكن سامر ده يطلع البيج بوس في الاخر مممممممممم

appy يقول...

يا شيخه مكنتش اعرف ههههههههههههههه
لا بجد طيب كويس والله
دا احنا اتبعتنا بعته بعيده

أختكم في الله دينا يقول...

السلام عليكم ورحمة الله وبركاته

ازيك يا سوسن يا رب تكوني بخير
اسلوبك في الكتابة جميل جدا وأنا يمكن بيعجبني الاسلوب الساخر ومتبعاه في أكتر من مكان لكن اللي شدني أكتر لأسلوبك كمان وصفك الرومانسي للأشياء البسيطة واستمتاعك بيها مهما كانت صغيرة وعادية بالنسبة لناس كتير ...
كمان عايزة أقولك انك فعلا بتوصفي مشاعر بنات كتير بدقة ما بين فرحتهم للناس وأنهم بيكونوا مكسورين من جواهم من كلام الناس أو نظراتهم لكن في الإجمالي بيغلفهم الرضا بقضاء الله وعندهم يقين بحكمته ....

ربنا يرزقك من فضله يارب وبنات المسلمين

ويلا بقى يا ابو السوس عايزين وصف تفصيلي لسامر والواد ابو صوت حلو بس أوعي يطلع مديرك في الشغل كان بيظهر إهجابه بالخنفسة الحولا اللي انتي متبعاعها:)


شايفة هنا مفقوعة مرارتها بسلم عليها كتير:)

Sampateek يقول...

صوت سيفوني
جديدة دي
ههههههههههه
عسولة قوي
الى الامام
تحياتي

Music Lovers يقول...

7adota di walla fazora hhhhhhhhhhh

كيكى يقول...

عوووووووووووووووووووو انا جيت اتخديتى
............................
عالمة اييييييييييييية واييييييييييية اخبارك بجد وحشتينى اوووووووى سورى على التاخيررررررررر بجد النت بقى انتى عارفة
...........................
كملى حكاية سامر وبعدين.اييييييية الى هيحصل بسرررررررررررررعة

maryooom يقول...

اكيد هافهم الموضوع بعدين لاني مش فاهمه حاجه