• لا تكن كمن عاش شطر حياته الأول يشتهي الشطر الثاني ، وعاش شطر حياته الثاني آسفا على ضياع شطر حياته الأول

الاثنين، 5 أكتوبر 2009

نريد حرية لا تعرية


ولازالت المرأة ماريونيت في يد المجتمع !!

ايها المجتمع الفاضل- رجالا واناثا- ارجوكم كفوا ايديكم عنا فلم نعد صغارا .. بل تعلمت المرأة وتثقفت واقتحمت ميادين العمل وتعرف طريقها جيدا ومتي قررت ارتداء النقاب -غير مرغمة- فهي حرة ترتديه بمطلق حريتها ولها منا كل تقدير وتفهم ومتى قررت خلعه فلها منا كل تقدير .. واذا كانت المصريات عام 1919 حصروا حريتهم في هذا البرقع الذي احرقوه في ميدان التحرير فنحن لا نحصر حريتنا فى برقع ولكن نريد حرية اتخاذ الرأي في كافة شئوننا وابسطها هو الملبس نحن احرار نرتدي مانرتديه طالما لم نتجاوز حدود الاحتشام المتعارف عليها وإن زدنا ففضل منا نحمد عليه لا نهاجم عليه وعلى الاخر ان يتقبلنا بتفهم .. تلك هي سمات المجتمع الراقي اما ما نفعله من رفض للاخر فهو من سمات الهمج والبربر .

لا أدري لما ترتبط الحرية فى اذهاننا بالتعرية .. فكلما زادت الحرية كلما زاد تعري الانسان وتجرده من كل شيء حتى القيم والاخلاقيات .. وكل ما اخشاه بعد فيضان التحرر ان ياتي يوم نسير فى الشوارع عراة بالكامل كما ولدتنا امهاتنا بلا اخلاق ولا حياء ولتحيا الحرية المزعومة .

لا أدري لماذا هذا الهجوم الصارخ علي المنتقبات .. ايصل بنا سوء الادب الي وصف المنتقبات بأكياس الزبالة والبعبع .. أحريتكم تأمركم بسب الاخر وتجريحه وايذاءه ؟؟ .. ولن اخوض فى مشروعية النقاب الدينية ولن ادخل فى حلقة مفرغة اختلف فيها كبار رجال الدين بين مؤيد ومعارض ولكن ما لا خلاف عليه ان زوجات الرسول وبناته و الصحابيات كن منتقبات ومستترات بالكامل .. فهل يصل بنا السفاهة وسوء الخلق والادب الي تشبيه رداء امهات المؤمنين بأكياس زبالة .. أي دين تدينيون به !! وايه حرية تؤمنون بها !! واي عقل ومنطق يقبل هذا الهراء !!

ولا أدري لماذا تقرنوا تخلفكم بالنقاب ؟؟ أجلبت لكم المنتقبات التخلف والتأخر؟؟ .. اذن فلماذا لم تجلبوا انتم النهضة والتقدم العلمي والتكنولوجي لنا بسفوركم ؟؟ ما عطلكم عن مسيرة التقدم ؟؟ .. ومن مجتمع سلفي صعدت
جامعة الملك سعود للمركز 197 علي مستوي جامعات العالم , بينما لم تحقق جامعة القاهرة كبري جامعات مصر بحرياتها وسفورها وتبرجها اي تقدم !! فما عطلكم عن مسيرة التقدم؟؟ الي متى سنصطنع شماعات فشلنا بايدينا ولا نعالج اصول مشاكلنا المزمنة.

اي عدالة اجتماعية يدين بها هذا المجتمع الذي يحاصر المنتقبة ويجبرها علي التفتيش علي ابواب الجامعة وفى لجان الامتحانات ويمنعها من دخول المدينة الجامعية لتتشرد فى الشوارع او لتعود لمحافظتها تجرجر اغراضها الثقيلة ذهابا وايابا بدون طائل بينما يرتع ذوات الجينز والبودي و الكاسيات العاريات فى كل مكان بدون قيد او شرط !!

ولم يكفي هجوم العلمانيين و الملحدين والمتأسلمين والمرتزقة من كل ملة ودين وهواة الفرقعة الاعلامية بل ياتي

شيخ الازهر ليكون القشة التي قسمت ظهر الامة والطعنة التي أدمت قلوبنا .. ويضطهد فتاة صغيرة فى الاعدادية ويجبرها علي خلع النقاب ويقول لها " انا بفهم فى الدين احسن منك ومن اللي خلفوكي" ثم يعقب بعدما خلعته ويقول لها متهكما " امال لو كنتي حلوة شوية كنتي عملتي ايه؟ " ولا مجال لعقد مناظرة دينية بين شيخ الازهر وهذه المسكينه فبالطبع شيخ الازهر اعلم منها دينيا ولكن رفقا بالقوارير يا شيخ الازهر ولو كنت فظا غليظا القلب لانفضوا من حولك .. اليس هذا هو الاسلام التي تدعو اليه ؟!! .. اليس انت ممن تصدح اصواتهم علي منابر المساجد ليدعوا الي اللين والحلم والدعوة الي سبيل ربنا بالحكمة والموعظة الحسنة ؟!! .. وكيف للمعلم الاكبر ان يتهكم ويسخر من فتاة صغيرة ومن شكلها !! .. الدين المعاملة يا شيخنا .. الدين المعاملة يا مسلمين .. الدين المعاملة يا بشر .

لقد خلقنا الله احرارا .. فلما تستعبدونا و تُرغمونا علي تنفيذ قناعاتكم كدُمي فى أيديكم وتدهسوا رغباتنا بارجلكم .. ثم تزعمون انكم دُعاة حرية ؟؟

فليست الحرية ان تُجبر الاخر علي تنفيذ ما تراه أصح له .. بل ان تتركه يختار اسلوب حياته وفق ما يرى ويرتضى طالما لا يضر الآخرين.


40 التعليقات:

Darsh Basha يقول...

اول تعليق كدة بالصلاة على النبى

احجز تعليق

وكمان واحد شاى

على ما ارجع

Darsh Basha يقول...

ايون الموضوع دة فى الصميم
وطبعا العلمانين واللى فكرهم بايظ ..والناس التعبانة ..اللى بتقول انها بتنادى بالحريات للاخرين .
وفى الوقت نفسة ينتقد حرية الاخر فى انتقادة .
ودة طبعا بما ان كلامهم ملوش لزمة ..وهما اللى جيبنا ورا دائما ..فهم لم يتهمون النقاب فقط بأنة اكياس زبالة بل قال على البنت المحجبة -المعلوم من الدين بالضرورة- انهم عراعير ولا يفهمون شيئا.

وبعدين قسمة البنات الى قسمين واحدة متحررة وواحدة ملتزمة ..مش عارف يعنى المحجبة مش متحررة ..مهى متحررة وهى اختارت كدة بنسها وبكامل حريتها ..ام الثانية المتحررة فهى التى تقلع اكثر ..ودى ثقافة موجودة عندنا من ايام ثورة 1919 ..وربنا يستر علينا

وبالنسبة لشيخ الازهر ..فلا تعليق ..فخلاص الراجل بقيت حاسس انة بيخرف جامد اوى ..يظهر انة كبر فى السن .

اسف للأطالة

ألِف يقول...

"لا أدري لما ترتبط الحرية فى اذهاننا بالتعرية"

لا، هما لا ترتبطان في أذهاننا و لا شيء؛ يمكن في ذهنك أنت؟


"فكلما زادت الحرية كلما زاد تعري الانسان وتجرده من قيمه واخلاقياته قبل ملابسه"

لا، كلما زادت الحربة زادت "الحرية"، أي قدرة الانسان على الاختيار...يلبس أو يقلع..يخطئ أو يصيب..هي كلها اختيارات ممكنة ليست أكثر.

العبارات من قَبيل "الحرية المزعومة"، و تهويمات مساواة الحرية بالإنحلال كلها هراء لا معنى له.


"فنحن لا نحصر حريتنا فى برقع ولكن نريد حرية اتخاذ الرأي في كافة شئوننا وابسطها هو الملبس نحن احرار نرتدي مانرتديه

طيب ما أنت كويس هو! إيه المشكلة بقى؟


"فلماذا لم تجلبوا انتم النهضة والتقدم العلمي والتكنولوجي لنا بسفوركم"

لأن أغلب الناس على ما يبدو شغلوا أنفسهم بالتوافه و بالخرافات، و بالشكليات النفاقية التي نعرفها جميعا جيدا، و شغلوا أنفسهم بما يفعله الآخرون و بما يرتدون و ما يعتقدون ويُسرّون أكثر من انشغالهم بما يفيد.


"[...]بينما لم تحقق جامعة القاهرة كبري جامعات مصر بحرياتها وسفورها وتبرجها اي تقدم"

متى زرت جامعة القاهرة آخر مرة؟! دفعة كلية العلوم منذ سنتين لم تكن فيها سوى طالبتين سافرتين..واحدة منهما مسيحية.

لنكن جادين و لا نُسفه المسائل لكي لا تخسر قضيتك و نخسر قضية التعليم، بسبب الخلط و التسطيح. تخلّف الجامعة و التعليم (و البلد كلها) ليس سببه الحجاب و لا النقاب و لا السفور، بل سببه الفساد و المسؤولون الفاشلون المُعيّنون لدواعي أمنية، و سببه سياسات "حفظ السلام الاجتماعي" التي تمنح الطالب الراسب 20 درجة لينجح بهدف أن تكون النتائج مقبولة شكلا و لكي لا يثور الأهالي، بينما يكون التعليم منعدم موضوعا.


"[...]يرتع ذوات الجينز والبودي والهاف ستوميك فى كل مكان بدون قيد او شرط[...]"

هل تتكلم عن مصر 2009 حقا؟!
هل تسير مثلي في شوارع القاهرة؟ آخر مرة رأيت ذراع امرأة كانت متى؟

Sweet Violet يقول...

الصراحة مش غريبة على شيخ الازهر اللى عمله ده .. و بجد اول لما عرفت الخبر و انا حتى الاندهاش مافكرش يجى على دماغى

اما بقى عن اللى بيربط الحرية باللبس ده بيكون واحد حافظ ليس الا .. و اللى يحزن فعلا انهم من المفترض انهم من طبقة المثقفين فى البلد "وده دليل ان معنى الثقافة اصلا عندنا زى التعليم سب فى الدماغ بدون فهم"
v_v

غير معرف يقول...

حسبنا الله ونعم الوكيل فيه وفي اللي سايبه في منصبه لحد دلوقتي وهوه محدش بيقبله لا المتدينين ولا الناس العاديه

أميرة يقول...

سلمت يدايكِ
أصبحنا ببغاوات نردد ما يمليه علينا الغرب الكافر دون أي فهم أو تدبر وكأن الكلام يمر من أذننا لتنطق به ألسنتا في وقت عقولنا فيه معطلة تماما فالعري تحضر وتقدم فلا نقول سوى آمين
الحجاب تخلف وخطر على المجتمع ....آمين

أكاد اجزم إننا في زمن الروبيضة الذي اخبرنا عنه الرسول صلى الله علي وسلم
وقال سيأتي على الناس سنوات خدّعات، يُصَدق فيها الكاذب ويُكذَّب فيها الصادق، ويُؤتمن فيها الخائن ويُخوَّن فيها الأمين، وينطق فيها الرويبضة))،

قيل وما الرويبضة يا رسول الله ؟ .. قال: «الرجل التافه يتكلم في أمر العامة».

اللهم اخرجنا منه سالمين

عاشقه وغلبانه يقول...

اعتقد ان اول اسس الحريه والدميقراطيه اللي زهقنا من كتر ماسمعنا اقوال ولا شوفنا افعال اني البس ماشئت طالما لم اتعدي علي حريه غيري ومش من حق اي حد مهما كان منصبه وخصوصا لو كان قدوه وشخصيه بارزه ان يفعل مافعل من يحسب علينا شيخا للازهر الشريف
دينا مش كده يشيخ
حريتنا اللي بجد مش كده
مش من حقك انت او غيرك انا تفعل مافعلت
وعذرا لصغر سن البنت التي لم تستطع الرد اضافه لادبها واحترامها لللي المفروض شيخ
اعتقد لو قلبنا الموقف وكانت البنت احدي الكاسيات العاريات وطلب منها الشيخ ان تحتشم ده لو فرضنا قدرته في انه يطلب كده كانت بالبلدي كده شرشحتله وخلت اللي مايشتري يتفرج عليه وكان طلع اللي يسوي واللي مايسواش فيالتليفزيون ينادوا بالحق والمستحق
ولا علشان الموضوع فيه نقاب
انا ابعد من اني احلله او احرمه لكني فقط اره قمه الحريه الشخصيه اني البس اللي عايزاه زي مابرضو بيقلعوا اللي عايزينه
لما شيخونا كده فلننتظر القادم اسوأ

ألِف يقول...

أحب أن أصوب شئا كتبته في تعليقي السابق "دفعة كلية العلوم منذ سنتين لم تكن فيها سوى طالبتين سافرتين..واحدة منهما مسيحية."

الصحيح هو أن الدفعة التي أشير إليها ما كانت فيها سوى طالبتان مسلمتان سافرتان.

و كما هو معروف ففي كليات العلوم الذكور أقلية ضئيلة.

عاشقه وغلبانه يقول...

نسيت اوق ماننتظرش من دوله حكومتها بتتدخل في القضاء وما ادراكي وما القضاء انها تدخل في حريتناالشخصيه
يكره يحددولنا مواعيد البي بي

Miss. Sosa يقول...

درش باشا
اتفق معاك تماما .. شكرا لمرورك وتعليقك

ألف

الحرية مرتبطة بالتعرية لما قامت ثورة النساء فى 20 مارس 1919 وخلعوا البرقع وحرقوه وسموا ميدان الاسماعيلية بميدان التحرير لهذه الواقعة .. يعني تحرير من برقع سبحان الله محسسني انه كان برقع علي عقولهم مش علي وشهم ثم تلا ذلك تحور في ملابس نساء السبعينات وظهر الميني جيب بعد ماكانوا بيلبسوا جلابيب وبراقع وفى عصرنا الحالي لما رحنا نقلد امريكا معقل الحرية والديموقراطية مااخدناش منهم غير اللبس والانحلال لكن نقلنا علم او ثقافة ؟؟ حاشا لله !!

اما بخصوص زيارتي لجامعة القاهرة فأنا دخلت الجامعة عندي 17 سنة مافارقتهاش حتى يومنا هذا وبخصوص العري اللي حضرتك مش شايفه فانا لسه من 3 شهور كنت براقب فى لجنة امتحانات وطلبت من طالبة انها تشد البودي بتاعها لان تلت ضهرها كان عريان والولد اللي وراها كان عينه فى ضهرها مش فى ورقة الاجابة :s
والاذرع العارية كتير يا فندم .. لو مش حرام كنت صورتهم ونشرتهم لحضرتك

سعدت بمرورك وتعليقك

Miss. Sosa يقول...

أما بخصوص التخلف العلمي والتعليمي فلا علاقة له تماما بملابس او قشور ولكن بعقلية مجتمع عطل كل قدراته الانتاجية والابداعية وتوقف عند الثرثرة ونقد الاخر والعلاقة بين العمل والكلام علاقة عكسية جدا ..فنحن أمة لا تفعل شيء سوى الكلام والسفسطة

Miss. Sosa يقول...

sweet violet
اتفق معكِ .. بس اللي عمله شيخ الازهر المرة ديه تدمي القلب لانها طعنه من الداخل مش من الخارج


-----

غير معرف
صدقت .. حسبنا الله ونعم الوكيل

---

أميرة

سلمتي من كل سوء
أحنا فعلا فى زمن الرويبضة والناس كلها بتتكلم بعلم وبدون وكل واحد عاجبه دماغه واللي يعارضه يسبه ويسخر منها .. حتى ثقافة تقبل الرأي الاخر اندثرت

----

عاشقة وغلبانة

وهنروح بعيد ليه .. ما ايناس الدغيدي لما قالها طوني خليفة عن الحجاب قالتله ربنا مايحكم عليه بيه وهي مسلمة تعلم انه فرض
ومريم فخر الدين اللي بتقول قرأت القران ملاقتش فيه ايه عن الحجاب
سبحان الله الناس ديه تقريبا بتقرأ من قرآن تاني غير اللي معانا
وبرضو بتقول هم أحرار وربنا اللي هياحسبهم احنا مش موكلين بمحاسبة حد
بس الحرية تبقي للجميع بقي
زي مافي العرايا يكون فيه منقبات متضايقيين من ايه وبدل من اثارة الفتن والقيل والقال في مواضيع قتلت بحثا يركزوا في شيء مفيد للامة ديه

semsem يقول...

انا موضوع شيخ الازهر دا فرسنى بجد

حسيى اللة ونعم الوكيل

أبــــو ضـــيــاء يقول...

للاسف

شفـقــة و إحســــان يقول...

برافو عليكى يا سوسة والله موضوع هايل وفى الجون وبجد حسبى الله ونعم الوكيل فى هذا الشيخ المزعوم

Soma يقول...

حسبنا الله ونعم الوكيل

ازاي شيخ الازهر وازاي يعمل كده؟
امال يعتبر رجل دين ازاي؟
ده بدل ما يدعو النساء انها تستر نفسها؟

فعلا الدنيا ماشيه بضهرها

ربنا ينجينا ويشيل الغشاوه من علي عيون الناس

Mohaly يقول...

Sometimes I feel that it is a series of stupid events and actions that keep people distracted all the time.

This Azhar Imam doesnt even deserve the time to write something about his actions. He is the worst ever!

طهر فؤادك يقول...

السلام عليكم ورحمة الله وبركاتة
ياريت تساعدينى فى حملتى "مدونتك هتنقذ طفللك"وهى فكرة بسيطة بس ان شاء الله خيرها كبير وانا عارف ان الى بيحترموكى ويقدروكى كتير فياريت تشاركينى وكل الى يحب فى الحملة دى ومش هتاخد غير دقيقة واحدة وعن فكرتها وكل حاجة عنها فى اللينك دة ورجاء تدخلى وتشفيها امانة وجزاكى الله خيرا والمسلمين .http://rasoulallah1.blogspot.com/2009/09/blog-post_23.html

غير معرف يقول...

كنت عايزة اهنيكي اني قريتلك مقالة في جرنان العربي تقريبا الناصري العدد اللي فات
واخدين من عندك مقالة والله أعلم.. أيوه أيوه يوم التلات باين .. لألأ الاتنين

آه وربنا

مها ميهوووو

koko يقول...

دى سياسة دولة يا فندم .. يشغلونا بالقشور و السطحيات طول الوقت و مين قال و مين عاد .. علشان نضيع اكتر ماحنا ضايعين .. سياسة ناجحه و متجربه

احلام جوليا يقول...

صح لسانك بصحيح
يسلم لسانك كلام على حق لو كانوا داعرات عرايا ما تكلم احد معهم ولا منعهم من الجامعة والمدارس ولكن الشريفات المحترمات في بلد منتهكة اغراب صدقيني نحن نتجه للنهاية نعاقب الملتحي ونحي صاحب ذيل الحصان نصفق ونقول حضارة للابسه البكيني ونقول متخلفة للمنقبة نحن باخر الزمان ربنا يرحمنا برحمته

fanty يقول...

مفيش حد ضد النقاب طالما ان المنتقبة قد مسئولية النقاب، للاسف في منقبات مش عارفين يعني ايه مسئولية النقاب، النقاب يعني حشمة و ورع اكتر من بقية المحتشمات، لكن للاسف الواحد بيشوف من بعض المنتقبات سلوك علي النقيض، عارفة كدة زي كلمة كاسيات عاريات، الهوانم دول بقي نقاب بدون سلوك نقاب، و بالتالي لومي علي اللي زي دول عشان هما اللي خربوا صورة غيرهم من المنقبات المحترمات.

آخر حاجة بقي انتي زعلانة ليه انهم بيتفتشوا المنقبات، انتي لو قاعدة في بيتك لوحدك و رن جرس الشقة و لقيتي مندوية مبيعات منقبة جاية تبيعلك منتجات معينة و طلبت انها تدخل مثلا عشان تعرضلك المنتجات براحتها، اكيد انتي هتخافي تدخليها البيت لانك ببساطة متعرفيهاش و ثانيا هي منقبة يعني بالنسبة ليكي مجهولة و اي انسان بيخاف من المجهول، يبقي ازاي انتي كفرد ممكن تخافي منها علي نفسك و مش عاوزة البلد تخاف من المجهول علي ناس كتير في اماكن تجمع...

حلم بيعافر يقول...

من غير سرد تواريخ ولا حاجة
المراة انسان زيه زى الراجل بتختلف عنه فى بعض الحاجات واللى بيحكم ع الاتنين العقل والعمل
تحياتى ومتتعصبيش كده

غير معرف يقول...

ارجوكي متعمليش ان اللي يشوفوا المدونة يكونوا الناس المدعوين فقط

عشان في ناس كتيرة بتابع المدونة ومبتكونش من المدعوين (انا منهم)

Asmaa

Eldebug يقول...

I really miss your blogs

Dr. Mohammed Ali يقول...

كل شخص لةطريقةخاصة فية في التفكير بحياة,
تقبل مروري وشكرا

khalid almuzaiqer يقول...

لا لضيم المرأة وهضم حقوقها
المرأة جزء من الرجل كلٌ منهما يكمل الآخر
لا حياة بدون المرأة
إلى الأمام دوماً أيتها المدونة الرائعة
نتمنى بأن لا تحرمينا من زيارتكي لعالم الحب
لكي أرقُّ المُنى من عالم الحب
http://www.al7ob1.blogspot.com

The Queen يقول...

السلام عليكم
انا مش هتكلم عن النقاب في الشرع ايه حكمه وايه ضرورته ، اللي عايز تلبس نقاب تلبس هي حره

بس انا مع تفتيش المنقبات ومنعهم من دخول المدينة الا اذا رفعت النقاب وتم التأكد من انها فتاه وده حق كل البنات اللي في المدينة وحق اهلهم كمان انهم يكونوا مطمئنين عليهم ، وعلشان اثبت ان اثبات الشخصيه مهم في موضوع السكن الجامعي بالذات كنت ايام دراستي في مدينة جامعيه رئيسيه وبعد العشاء فوجئنا بهرج ومرج في المبنى اللي كنت فيه واتضح ان في 3 اولاد دخلوا المدينة بنقاب على انهم بنات وتم كشفهم من قبل الامن يبقى ازاي مش من حق الامن يفتش المنقبات ؟؟؟؟
ثانيا الامتحان لازم يتاكد من ان اللي بتمتحن دي هي نفس الطالبه مش واحد او واحده غيرها وده برضه من حق كل الطلبة لتحقيق العدل .

دي النقاط اللي انا بتفق فيها مع الدولة بس يكون التفتيش ده او التحقق من الشخصيه من قبل سيدة لان ده حق المنقبه ان مفيش راجل يشوف وشها ..

تحياتي لكِ

Ahmed Fayez يقول...



جميل

عرض جيد للقضية

و نقاش مقنع

بسمـــة مســـــلّم يقول...

السلام عليكم اولا احب اشكرك على اجمل مدونة نسائية دخلتها اسلوبك رائع برافو عليكى وانا معاكى ان النقاب حرية فردية اشمعنى يحاسبو اللى بيتدين ويحطوله قوانين زى قلع النقاب بالقوة فى امتحانات الجامعة كانت مهزلة واللى بيقلع ويأذى مشاعر الناس معاه براحته لانه على هوى الحكومة ياريت بجد نفهم الحرية صح قبل ما نطبقها سلامى ليكى ومنتظرة تعليقك اختى الجميلة

غير معرف يقول...

السلام عليكِ
أنا لي رأي قريب من قولك هنا
أنا مع الحرية ولكن الحرية المنضبطة وأسلم بأنك حر ما لم تضر ، والضرر هنا قد يكون بمظهرك العاري وقد يكون في النقاب ضرر كأن تكوني ممرضة وأنا مريض ولا أراكِ .. حينها أظن أن من حقي كمريض أن أثق وأعرف من تطببني لكي يظمئن قلبي لأ أقول أنها ممنوع على العوام ولكن الأماكن التي قد يُستغل معها النقاب استغلال سيء مثل الإمتحانات وقد عاصرت بنفس وأمام عيني هذا الاستغلال وليس هذا تهمة للنقاب ولكنه فضيلة وسنة حسنة ولكن الضرورة هنا تضع لنا بعداً ورخصة في منعة في المؤسسات التي تتطلب تعامل مباشر مع الوجه ، ولا أقول أن نخلع النقاب والحجاب وتبقى الحكاية سداح مداح .. لا أنا مع الاحتشام جداً لكن ما دام هناك ضرورة لخلع النقاب فحسب فالأفضل أن يُخلع وللصالح العام خاصة وأنه ليس بفريضة وهناك شك بأنه كان رخصة لنساء النبي صلوات الله وسلامه عليه فقط

على كل حال أرفض رفض مطلق بأن يقال علي من ترتديه أكياس قمامة وسبق لي أن وضعت تدوينة في هذا الخصوص .. شيء مخزي حقيقة

adel يقول...

انا تعليقي ممكن يكون صدام للبعض

لكن الحريه للفقير لقمه توافر الطعام

لكن اني اتكلم بحريه مش هتفيدني كثير

الحريه حريه الناس في الاعمال ربما

لكن الحريه التي يقصدها الكتيرون

ربما لا استصيغها او ربما لا افهمها

Übersiedlung يقول...

للاسف .. اصبحنا ماريونت

Kellerräumung Wien يقول...

اغلب الاشياء اصبحت .. ماريونت

Umzugsunternehmen Wien يقول...

وانا كمااااان

Transport Wien يقول...

الله يوفقكم..ع المجهود...:)

Umzug in die Schweiz يقول...

موفقين .. وعايزيين نشوف الجديد !؟

Räumung يقول...

Allah grant you success ... Where new themes ?!

Hausräumung Wien يقول...

تحياتى لكم .. فين الموضوعات الجديدة

Wohnungsräumung يقول...

فجئنا دوووما بالجديد ... موفق