• لا تكن كمن عاش شطر حياته الأول يشتهي الشطر الثاني ، وعاش شطر حياته الثاني آسفا على ضياع شطر حياته الأول

الثلاثاء، 28 يوليو، 2009

جـــواز زيـــرو



يعني ايه جواز زيرو ؟؟


يعني كل اللي نفسك فيه .. نفس شكل الجواز من غير ذرة حب
يعني تحلم بصيدلة وتلاقي نفسك في حاسبات
يعني تحب سالي وتتجوز بنت عمك فتكات
يعني تعشق البحر وتصيف في الواحات
وهي دي العيشة مع جواز زيرو


الحب هو : " حب ماما .. حب بابا .. علي اد ما تقدر حب .. لو هتصاحب الغلابة يبقي هيرضي عليك الرب"
بل هو هذه الحلوى الملونة ذات الرائحة الذكية والطعم الحلو التي تغلف العلاقة الانسانية بين شخصين فتواري عيوبهم الخارجية والداخلية .. فتنظر اليه بكرشه المتدلى وصلعته البراقة وبخله وفجاجة الفاظه وافتقاره لادني مستويات الذوقيات وتوشك ان تطلق صرخة مدوية ولكن ما ان يصل تأثير كبسولة الحب الي المخ حتى تخدر عقلها وتعطي له اجازة مفتوحة وتسدل ستار العمى علي عينيها ويٌخيل لها انها امام توم كروز بشعره الكثيف البراق وجسمه المتناسق الممشوق و تري فيه كرم حاتم ورومانسية قيس وشهامة عنترة (وربنا يجازي السجاير البني اللي بتعمل دماغ تمام )


الزواج هو : " ان يتزوج الخروف من النعجة .. والثور من البقرة .. ولا يجوز تزاوج الكلاب الضالة للحد من انتشار السلعوة"
بل هو ذلك الرباط المقدس بين الزوجين .. سوبر جلو .. كلما قرر احد الطرفين الانفصال لاستحالة الحياة بينهما يظهر الجلو (المقاريض اولادهم) ويقولوا له " هتسيبنا لمين يا بابا " .. فيتراجع عن قرارة الاهوج من اجل الصالح العام و رفقا بالاصلاحيات ودور اعادة تاهيل النشء.


زواج زيرو : هو زواج خالي من الحب (واجهة اجتماعية) .. ان تحصل البنت علي لقب (مدام) وان ترتدي دبلة بالبنصر الايسر .. وتبرزها في اعين صديقاتها ستين مرة في الدقيقة وتتحدث عن زوجها بمناسبة وبدون كي تعلم الجميع انها حظيت بفارس الاحلام وبمجرد عودتها الي البيت تعامله معاملة سنية الشغالة والاكل عندك فى التلاجة ادخل سخن وكل انا اتغديت بره.


زواج زيرو : هو ان يحصل الرجل علي المقاييس المثالية لفتاة الاحلام .. تلك العيناها أصفى من ماء الخلجان .. تلك الشفتاها أشهى من زهر الرمان .. الخ .. ليضع صورتها فى الفيس بوك ليري اصحابه كم هو محظوظ لانه حصل علي جميلة الجميلات.. لن يقبل بصورة تخالف خياله ولو مليمتر وما الدافع الذي يجبره علي تقبل العيوب .. فهذا زواج خالي من الحب .. اذا فهو خالي من اي تنازلات .. معادلات رياضية بحتة لابد ان يتساوي طرفيها ..

جميلة المُحيا + صغيرة السن + من عائلة كريمة مشهود لها بالاخلاق = عروس ممتازة
ومع طعني في صحة المعادلة التي هي مُسلمة حفرتها العادات والتقاليد في تلافيف عقلنا الباطن .. الا ان هذا الزواج لازال زواج زيرو .. التقاء المصالح والرغبات هو ما شكل العلاقة لا التقاء الارواح .. فيتزوجها ويحصل علي تمثال من السكر الابيض .. جميل الشكل والطعم ولكن بلا روح .. والاغرب اننا لو اضفنا قليلا من السكر (الحب) لهذه العلاقة فنجد الشخص يتغاضي عن مُسلماته ويضرب بها عرض الحائط .. ويقبل بمطلقة بعد ان كان يرفض فتيات كثيرات سبق لهن الارتباط بخطبة .


انه الحب .. ان تحب زوجك (سواء تزوجته عن حب او احببته بعد الزواج) فانت قطعا محظوظ لانك ضمنت ساتر من العمي ومخدر عقلي ممتد المفعول .. يستر عيوب زوجك عنك فيقلل من ادراكك لها ومن ثقلها علي نفسك وبالتالي تستقيم الحياة وتستمر .. اما اذا نزعنا الساتر والمخدر فما الذي يجبرك علي تحمل هذا الكائن الفج الذي يفتقر لاي جمال معنوي او حسي ؟!


واذا كان الزواج الزيرو بمثل هذه القسوة والمادية فلماذا نستمر فيه ؟؟
واذا كنا علي دراية تامة بماهية الحب وخيالاته وتهيؤاته .. فلما لا نحكم عقولنا وقلوبنا فى الزواج الزيرو لنمنحة لمسة سكرية تخفف من مرارته و نمنحه فرصة عادلة متوازنة لعله يأتي لنا بالزوج المناسب ؟

24 التعليقات:

ديالا يقول...

للاسف ياقمر ان الجواز دلوقتي بقي جواز زيرو

وبقي كله معادلات حسابيه

بوست رائع ياقمرايه

حلـم،، يقول...

مجرد تصوير حالة ولكن لا تمثل الاساس


صحيح الظروف صعبة

بس في اصول عند اهل الاصول

واللي معندوش اصول ؟؟؟؟؟؟؟؟؟؟؟؟؟؟


شو بعنينا!!!!!!!!!!!!!!!



المهم انتي ؟؟اول مرور

حلـم،، يقول...

صوره المدرسة اللي علي هامش البوست حلوة

اكيد زواجها حيكون في خمس نجوم................................

صيدلانيه طالعه نازله يقول...

صعب اوى ان اللى بدأ زيرو يتحول حتى لدايت لان اللى اتعود على المراره مش بيعجبه طعم السكر بيجيبله مغص
اللى اتكلمتى عليه ده موجود للاسف و بقى اسلوب حياه الاهل بيربوا بناتهم انهم بيعه و شروه و اولادهم على انهم محدش احسن منهم و يقعدوا و ينقوا ست الستات
وده بيخلى الحبل مشدود على طول و اى خلل فى المعادله بتكون نهايته الطلاق للاسف و اللى بقى كتير و فى سن صغيره قوى للطرفين

Shimaa Gamal يقول...

لإن معظمنا بينسى المثل المشهور إن كان حبيبك عسل ما تلحسوش كله ، فالأمر بينتهى إننا بناكل الحلوى الملونة حتى أخر لحسة و بندخل على العلبة و يمكن الورق الملفوفة فيه كمان و بننتهى برضو مع حالة أسوء من الزيرو . على الأقل الزيرو بدء بلا طعم و لا حتى المرارة . فممكن لو فتحنا قلبنا للتغيير نلاقى معلقة سكر مستخبية .

يمكن ... بس مش مضمون . مخاطرة مش فاهمة ليه ناس كثير بيقدموا عليها

آيوشة يقول...

بوست جميل واسلوبك ماشاء الله حلو جدا بس للاسف كل الجوازات دلوقتى بقيت زيرو حتى اللى بيقولوا عليه جواز عن حب

3abratalsabeel يقول...

سلام عليكم

بيتهيالى البنات بس هى اللى بتتعمى بالحب الشباب بيحسبوها بالمعادلة بالظبط

وكل سنة وانت طيبة

عاشقه وغلبانه يقول...

3\4 الشعب المصري متجوز زيرو
وخصوصا البنات والدبله في الشمال دي
مش مهم هايحصلها ايه ولا هاتتنيل ازاي بس تتجوز
مش عارفه البنات متسربعه علي ايه ياختي؟؟؟؟

UPENDI يقول...

لا للجواز الزيرو
و لا للسيجارة البنى
نعنس نعنس
بس احسن من الزيرو و الدايت

بوست جميل
و جو اون

أنفاس الصباح يقول...

واذا كنا علي دراية تامة بماهية الحب وخيالاته وتهيؤاته .. فلما لا نحكم عقولنا وقلوبنا فى الزواج الزيرو لنمنحة لمسة سكرية تخفف من مرارته و نمنحه فرصة عادلة متوازنة لعله يأتي لنا بالزوج المناسب ؟

طيب يعنى انت مع الزواج الزيرو بس نحليه بشوية حب ونعطيه فرصة

ايه المشلة بقى مل المتجوزين بيعملوا ده

بس فيه ناس بتزهق ومتملش

وفيه صامدييييييين:)

أنفاس الصباح يقول...

ضعى كاف فى الكلمة الى مش مفهومة

هتلقيها حاجة تانية خالص

:D

اقصوصه يقول...

ايه اللي جبرك ع المر؟

الامر منو اكيد :)

خطي تائهة يقول...

انا زوجة خالي مبتفكرش غير في الزواج اللي من النوع الزيرو اللي انتي بتتكلمي عنه لدرجة اننا كرهنا نتكلم معاها في حوارات زي دي وغيرها كتير بقوا يفكروا في كدا
للاسف احنا بقينا في عصر خالي من المشاعر والمادة سيطرت عليها وبقينا مسخ

دمتي بخير عزيزتي

mohra يقول...

بجد يخرب عقلك
على قد ما دمك خفيف على قد ما كلامك ذكى و واعى
ازاى الرجاله مش شايفه كل ده؟؟؟؟؟
كائنات غريبه

shirry يقول...

عجبتني نظرتك التحليلية للموضوع
بص برضو ولاد الاصول لهم وضع تاني

يارب كل واحدة تلاقي شريك حياتها ويعيشوا مع بعض في حب وسعادة سواء قبل الجواز او بعده

الرحاله يقول...

مدونتك جميلة جدا يا سوسة, بجد استمتعت وضفتها في قائمة المدونات عندي , واكيد هبقى اجي هنا على طول

rona يقول...

جواز زيرو حل سحرى لعلاج المشاكل ب بيجيب مشاكل اكبر طيب والنبى لما هوا زيرو افت العلبة وأشربها ليه أصلا ومن امتى بنقبل بالزيرو ولا المخدر ومن امتى الفرد الصح بيتخدر ولا بيشرب زيرو المخدر ده مش حب ده محاوله لايجاد بديل اخر بدل الزيرو
بجد عجبنى طريقة سردك للموضوع
أنا لن اقبل بالزيرو ولا اتعاطى مخدر ولكنى أؤمن بأن كل فرد يأخذ ما يستحقة

ضهر الصورة يقول...

to7faaaaaaaaaaaaaaaaaaaaaaaaaa:D:D:D

Bauschuttentsorgung Wien يقول...

الجديد .. الجديد .. الموضوعات الجديد فين ؟؟

Container Entsorgung يقول...

حابيييييييييييييين نشوف الاخبار والمشاركات الجديدة !

Lagerung يقول...

Allah is with you ... :)

Umzug Wien يقول...

Vielen Dank .. Und ich hoffe, Sie Mved Entwicklung und Schreiben von verschiedenen Themen :)

غير معرف يقول...

There's a undivided boldness roughage for with Parkinson's disease but not from it.
parkinson's disease is oft Defined as a parkinsonian a incumbrance?

Feel free to surf to my web blog; Wilkeson parkinson's disease specialists
My page: Wilkeson parkinson's disease specialists

غير معرف يقول...

operative removal is the do; can be through under
local, regional or macham comel jea sebutan dia. The subprogram involves breaking up the mass and a lipoma will either abide the like sizing or maturate very easy
o'er a long geological period of meter.

Here is my blog; http://lipomaaid.com