• لا تكن كمن عاش شطر حياته الأول يشتهي الشطر الثاني ، وعاش شطر حياته الثاني آسفا على ضياع شطر حياته الأول

الاثنين، 30 مارس، 2009

أرسم بالرصاص


عندما كنت صغيرة كانت هوايتي المفضلة هي الرسم .. لم اكن بارعة في الرسم بقدر براعتي في اختيار ومزج الالوان .. كانت امي تعرض علي الالوان الشمعية والخشبية والمائية ولكني دوما كنت اختار المائيةربما لمرونتها في اصابعي الغضة او لقدرتي علي اختلاق المزيد من الالوان والدرجات بعكس باقي الانواع التى تفرض علي درجاتها بصرامة شديدة ولا تقبل الامتزاج بمثيلاتها لخلق لون جديد .

كنت التقط ورقة اسكتش بيضاء و احتضن الواني وفرشتي الصغيرة واصعد الي اعلي البناية بحثا عن الشمس والهواء الطلق واذا تعذر الخروج فكنت امكث بغرفتي ذات النافذة الصغيرة التي لم تفارقها الشمس مطلقا فاتوجه بجلستي اليها ارمقها وترمقني من بعيد .
لا اتذكر يوما اني قد رسمت لوحات متنوعة .. بل كنت دوما ارسم نفس الاشياء .. شجرة وارفة باقصى اليسار .. تتدلي غصونها علي بحيرة ماء .. وتغرد عليها بعض العصافير .. وترقبهم الشمس من اقصى اليمين .. الواني لم تكن مبتكرة بل كانت تقليدية شجرة خضراء .. بحيرة زرقاء.. وشمس برتقالية .. كل يوم اتلو صلواتي والتقط ادواتي واصعد بأعلي البناية لاجلس متوجهة لصديقتي العزيزة لترمقني وارمقها .. وابعثر الواني .. وارص اشيائي المعهودة علي ورقة جديدة ثم اتركهم عند المغيب لاعاود الكرة في اليوم التالي.

يوم بعد يوم قويت اصابعي الغضة واستيقظت روحي المتمردة القابعه في أعماقي و استولت علي ادواتي .. أدركت هذا الاحتلال التمردي النابع من الداخل فنزعت من براثنها قلمي الرصاص وممحاتي و لكنها سبقتني وانتزعت فرشتي والواني .. ورسمت اشيائى المعهودة ورصصتها رصا باتقان شديد بقلمي الرصاص .. ووقفت عاجزة عن التلوين فلا أملك فرشتي والواني وانتظرتها ان تقوم بمهمتها في الصبغ والتلوين .. ولكنها كانت مزاجية متمردة ولا تنصاع لرغباتي .. فتركت لوحتى بلا الوان وفى اليوم التالي صعدت فوجدتها قد اصطبغت بالوان عجيبة مبهجة .. هالني المنظر ورحت ادقق فيما فَعلت فوجدت اغصان وردية واوراق تركوازية وبحيرة فيروزية وشمس دموية.

أعجبني تمردها وثورتها على الالوان النمطية واعجبها اصوليتي ودقتي في الرسم بالرصاص .. ومن يومها صرت ارسم بالرصاص وهي تمارس جنونها اللوني علي لوحاتي الرصاصية .

22 التعليقات:

عاشقه وغلبانه يقول...

اول تعليق
هييييييييييييييه

esraa يقول...

حمدالله علي السلامه
(:

Miss. Sosa يقول...

الله يسلمك يا اسراء :)

عاشقه وغلبانه يقول...

اولا حمد لله علي السلامه

ثانيا ممكن تعلميني الرسم
اختك خايبه فيه اوي
اهئ اهئ

علميني ياختي ربنا يكرمك

Miss. Sosa يقول...

الله يسلمك يا عاشقة :)

هو الرسم انا اشك اني حاليا بعرف ارسم اصلا .. لكن حصل تطور طبيعي للحاجة الساقعة وبقي في فوتوشوب وفلاش .. ها جاهزة ؟

مخبر قمل دولة يقول...

والله مفتقد مواضيع حضرتك جداااا
انا حتى كنت لسه بافكر ف مدونتك اول امبارح وبقول هي مابقتش بتكتب ليه
بس ماعنديش وسيلة اتصال بحضرتك
بجد مبسوط جدا بعودة حضرتك عشان كنت بعتبرك - وما زلت طبعا - من افضل المدونين وخصوصا الساخرين
مش هبارك ع العودة لان انا اللي المفروض يتبارك لي
انا متشكر بجد على عودتك من جديد

عن الموضوع بقا مشاعره جميلة وعيشني ف الجو بتاعك رغم اني باتناقض مع حضرتك لان انا كنت بعشق الرسم وانا صغير ومش باعرف الون
كنت باكتفي بتدريج الالوان بالرصاص بما يتناسب مع الرسمة لان تلويني كان بيشوه رسوماتي بجد وكنت بكره التلوين
بس احساس حضرتك العالي ده خلاني احب التلوين

انا ماتعودتش اعلق عندك على فكرة كنت بادخل اقرا واضحك وخلاص
بس دي تعليق كده عشان العودة بس :D
ويلكم باك

شفقة هانم واحسان بك يقول...

انا ماليش دعوة انا عايز اتعلم الرسم زيك
هتعلمينى ولا لا
تعرفى بجد والله انتى وحشتينى جدا جدا وكنت بسال عليكى

blue-wave يقول...

اولا
الف حمدالله على السلامه
ثانيا
الرسم فن جميل
من اجمل الفنون
واحلى ما فيه التمرد
تحياتى

واحدة مفروسة يقول...

ياوحشة
انتى كنتى فين بقا؟؟؟؟
كل ده
انا قلت العقدة انحلت و اتجوزتي
هههههههههه
اخبارك ايه يا سوسة؟
حمدا لله على سلامتك
و حتى الفيس بوك مش موجوده جواه ليه كده؟؟؟
المهم حمدا لله على سلامتك
اروح اقري الموضوع بقا بالراحة
سلام

hager يقول...

حمدلله علي السلامه :)

وموضوع جميل منتظره المزيد

*البت المشمشية *حلوة بس شقية * يقول...

انا بحب الرسم بس مش رسيمة اوى يعنى
بس بحب اشخبط واولون

حاسوباتيه يقول...

حمد الله على السلامه واحشتينا خالص ماتتاخريش تاني

Soma يقول...

حمدالله علي السلامه يا سوسه :)
جميل اوي احساسك, بس ليه كنتي بترسمي نفس الحاجه؟؟؟؟؟؟؟؟؟؟
علي فكره ممكن تيجي ترسمي حاجه بعد ماتخلص تطلع حاجه تانيه خالص, انا كمان مش رسامه بس ساعات بيطلع مني حاجات كده.

مسدس صغير يقول...

فهلا الالوان الميه احسن .
بس الغلطة فيها بتكلف الواحد تقطيع الورقة.
هههههههه
بوست جميل جدا
احييكى على الكلمات المتراصة بإتقان..
مودتى

mohamed يقول...

رجعت سوسا اللي بحب أأرلها تاني بجد وحشني كلامك الجميل و تعبيرك بطريأه سهله بسيطه و قويه اوي

maiosha يقول...

سووووووووسة
الف حمد لله على السلامة
معلشى جت متأخرة شوية .. بس انتى قلبك طيب

وحشتينى موووووووووووووت

بس انتى راجعة بحاجة جميلة جدا
لإن البوست فعلا حلو اوى
غير شخصية سوسة اللى كنا عارفينها زمان

تسلم ايديك على البوست الجميل
والف حمدلله على السلامة

kochia يقول...

طيب مفيش شوية نماذج نتفرج عليها
نشوف الدقة دي لحد فين

انا بحب اتفرج وانقد

تحياتي

samaa يقول...

الرسم دة حاجة جميلة جدا وانا كمان بحبة بس على ادى

مدونتك جميلة جدا اتشرفت بزيارتها


تقبلى مرورى

نهر الحب يقول...

لقاء تدوينى يوم الجمعه 10/4
ببورسعيد اللقاء عبارة عن تجمع للتبرع للايتام المعاقين
ولقاء وتجمع تدوينى بعدها
ان شاء الله
ياريت تشرفنا
التفاصيل عندى وعند ماما امولة

Miss. Sosa يقول...

مخبر قمل الدولة
شكرا لكلامك الجميل .. ورأيك شهادة اعتز بيها بجد واهلا بيك قاريء ومعلق واهلا بيك في كل وقت :)

----

شفقة
ربنا يكرمك يارب وانتي كمان وحشاني جدا وشكرا بجد لاهتمامك وكلامك الجميل

---
blue wave
الله يسلمك يارب
وكل الفنون جميلة واجمل مافيها التمرد لان احيان كتير التمرد بيظهر الابداع

Miss. Sosa يقول...

واحدة مفروسة

منورة المدونة وربنا يكرمك يارب
انهي عقدة اللي اتحلت بالظبط ههههه
اصل انا عقدي كتيررررر
سامحيني علي الغياب بس اديني برجع تاني لما بقدر اهو

-----
hager

الله يسلمك يارب وشكرا لرأيك ومتابعتك

---
مشمشية

هو كلنا مش بنرسم حلو اوي بس ادينا بنحاول واحيانا بيطلع منا حاجات كويسة

allb ostora يقول...

ازيك ياسوسا :)

حمد الله ع السلامه ياقمر,, انا لقتهم

بيقولوا كده قولت زيهم :)

بجد بوست تحفة جداً

عندما كنت صغيرة كانت أناملي أيضا

ترسم شجر & أطفال & شمس ذهبيه وبحيرات

فيروزية ... مثلك ولكني لم أكن أحب

التلوين لم أعلم لم لم أحب الألوان

وقتها ولكنني لاحقا عرفت أنني دائما

ما أحببت كل شيئ نقي ليس به رتوش

أو ليس طبيعياً ...

فمهما لونت أناملي لوحات ستكون مجرد

رتوش غيرمطابقة لطبيعتها النقية

وددت الان لو أرسم زهرة أو شجرة

وارفة الاغصان ......

ولكن غالبا ماتتحول تلك الشجرة

لوحش أسطوري يلتهم كل الاحلام .....

شرف لي أني أعلق ع مدونتك الجميله