• لا تكن كمن عاش شطر حياته الأول يشتهي الشطر الثاني ، وعاش شطر حياته الثاني آسفا على ضياع شطر حياته الأول

الأربعاء، 5 نوفمبر 2008

مبروك اوباما .. You did it


ابتدى كفاح المرشح الديمقراطي اوباما منذ 21 شهرا لخوض انتخابات الرئاسة الامريكية بشعار
نعم نستطيع

Yes We Can
وانتهى يوم الثلاثاء 4/11/2008 بانتصار ساحق لاوباما امام منافسه الجمهوري جون ماكين
مبروك اوباما .. لقد فعلتها

Yes You Did It

.
مبروك لاول رئيس امريكي اسود في بلد لم يكن للسود فيه الحق في التصويت حتى نصف قرن مضى.
.
مبروك لاول رئيس امريكي من جذور افريقية (اب كيني مسلم وام امريكية مسيحية )
.
مبروك لثالث رئيس امريكي ديمقراطي بعد جيمي كارتر وبيل كيلنتون من بين 41 رئيس جمهوري.
.
مبروك لاوباما 306 صوت مقابل 145 صوت لماكين
.
مبروك انتصار اوباما في معاقل الجمهوريين.
.
مبروك ل 130 مليون امريكي ايجابي شارك بصوته في انتخابات الرئاسة الامريكية.
.
مبروك للديمقراطية الامريكية والخزي والعار للديمقراطية العربية.
.
مبروك للامريكيين التغيير مع رئيس يؤمن بالتغيير ويتخذه شعارا له ولحملته الانتخابية.
.

Change is what we Believe in

Change is what we need

Change is the Solution


اما آن الاوان ان تهبي يا رياح التغيير علي شرقنا المكلوم ؟!

ام ان جبال السلبية و تلال العبودية تقف مصدا لكِ ؟!

ام اننا لا نستحقك ولسنا أهلا لكِ ؟!
------

ملحوظة : سعادتي بفوز اوباما ليست تشجيع لاوباما او مناصرة له فسياسته تجاه القضايا العربية لم تتضح معالمها بعد .. و من اوباما لماكين لن يفرق معنا الكثير .. ولكني سعيدة بالتغيير في فكر المجتمع الامريكي والتراجع عن عنصريته .. وان كانت سعادة منقوصة يشوبها القلق والحيرة من ان يكون فوز اوباما ما هو الا تمثيلية من صنع الامريكان لتحسين صورتهم امام الرأي العام .. او من ان يلقي اوباما مصير اسحاق رابين قبل ان يأتي بالتغيير .. او من ان يكون انتخابه ما هو الا شرك نصب لهذا الاسمر ليلصق بالسود مسئولية انهيار الولايات بعد ان اضاعها فتاهم المدلل بوش .. كل هذا لا يعنيني ولا يهمني ولكنه اثار بداخلي الحنين الي التغيير بمجتمعاتنا العربية .. والي لفحة هواء باردة منعشة توقظ خلايانا الميتة .. والي دفقة دماء دافئة جديدة تدب في اوصال الكيان العربي الهرم فتحي مواته وتعيد اليه حماس الشباب وحيويته .. فأين انت يا اوبامانا؟!

36 التعليقات:

Lyssandra يقول...

هلا ميس سوسا

دايماً أخبارك جديدة وعندك السبق الصحفي

فعلا هو المشجع في الأمر ان في تغيير

لكن ياتري هو جاي بأي سياسه ؟

الأيام اللي جايه هيا اللي هاتوضّح

تحياتي

ودمتِ بألف خير

Lyssandra

Unknown يقول...

عقبالنا يارب

Mafrousa يقول...

ازيك يا قمرة
طب تصدقى بالله انا صاحية من النجمة
علشان اتطمن مع اني كنت حاسة
و كنت بدعيلة و الله
بس انا فرحانه ليه معرفش
ياختى فرحانه كأنه ابن عم الحج حسين جارنا
عارفه يمكن فرحانه لانه ملون
يمكن علشان عندي امل ان فيه حاجه حتتغير
يمكن
انا امبارح كنت واقعه من الضحك زي الهابله كل ما يقولو الرئيس 44
و انا اموت من الضحك
جوزي اكيد قالك فيه حاجه فوتت
و بعدين سالنى
قلتله ناس بتغير رئيسها زي ماتكون بتغير هدومها
احنا اهو 3 غيرنا فيهم بالعافية
ههههههههههههههههههههههههههه
مش حقولك بالظبط لحسن تلايقينا احنا الاتنين مصيفين فى مارينا و الشتا داخل ههههههههههههههه
مبروك
سبحان ما يخلى التغيير يجي على ايدين ابن الحج حسين
سلام

maiosha يقول...

يا ريت يا سوسة من بقك لباب السما إن رياح التغير دى تبعتلنا أى سرسوب هوا علينا

ويا ريت كمان أوباما ده يتلهى فى بلده و يرحم البلاد العربية شوية ويسيب العراق تاخد نفسها حبة

أمين يا رب

فشكووول يقول...

ازيك يا سوسه .. ناسيانى من زمان .. لكن انا ما ببطلش زيارات ليكى .. وكنت كتير ما بلاقيكيش موجوده .. يا ستى اوباما ولا ماكين .. الاثنين ضاربين .. وضاربينا بالنعال .. المهم احنا .. ورياح التغيير تهب علينا منين .. والامن المركزى ماشك لنا الشوم والعصيان المكهربه .. يابنتى نحن خارج التاريخ .. طب حتى نبقى زى موريتانيا ولا حتى لبنان .. تقولى لى نبقى زى امريكا ... يا شيخه..اما اصولنا اننا احباش ولوبيين ونوبيين وساميين وآريين .. فدا مش من عندى من عند علماء التاريخ .. بس انا ان شاء الله حانزل بوست بعد بكره بجهز فيه كله جنان وعبط .. بس .. كان هناك فى امريكا معركه ديمقراطيه عظيمه واحنا كان عندنا اللى حاأنزله فى البوست بتاع بعد بكره. . . تحياتى

شفـقــة و إحســــان يقول...

سوسة الجميلة البوست حلو اوى وفيه اخبار جديدة
شكلك كده هتسيبى الطب وتشتغلى فى الصحافة
كمان مبروك على اوباما بس تفتكرى فعلا هيبقى فيه تغير ؟؟

The Führer يقول...

إن الله يقيم دولة العدل ولو كانت كافرة ، ويقوض دولة الظلم ولو كانت مؤمنة ، قمة الديمقراطية والنزاهة والشفافية جعلتني أتحسر علي حال بلدنا وانتخاباتها الوهمية وشغل النصب اللي عيني عينك أو تحت حد السيف ، اللهم عليك بالظالمين ،اللهم عليك بالظالمين

Mony يقول...

ازيك يا سوسة


انا عرفت الخبر منك يا جميل دلؤتي

اصل مش متابعة الاخبار خالص

طبعا انا فرحتله جدااا

بس بصراحة فوز اوباما مخليني قلقانة
لانه ممكن يكون مصيره زي ماقلتي هيكون زي اسحاق رابين
او في حاجات مدبرة و هيحطوه في وش المدفع علشان يكون هو المسؤل الرسمي عنها


ربنا يستر و الله يا سوسة


اصل انا اعرف ان الانتخابات الامريكة لازم تتم برضا السيناتورات اللي اغلبهم اليهود


فربنا يستر علي الايام اللي جاية

صابر وراضى يقول...

وعليكم السلااااااااام
بصراحه مش هتفرق معانا اوباما ولا غيره
اهم حاجه نعرف مصلحتنا
وكله زى بعضه

nona يقول...

مبروك طبعا لاوباما
بس يا ترى هيتبع ساسية مين و هل كلامة الاى قالة هيتحقق و الا كلة كلام فى الهواء ساعة الانتخابات و اول ما يمسكها هيبقا زاى غيرة
الله اعلم

فشكووول يقول...

شفت فرحة الامريكان بنجاح باراك اوباما فى الانتخابات الامريكيه بناء على اقتراعهم .. يا بختهم ببلادهم ويا تعسنا

Unknown يقول...

انا كمان زيك سعيده بالتغير و الانجاز مش بشخص اوباما لاني اعتقد مش هايفرق كتير مع العرب

تحياتي

Unknown يقول...

أشكرك علي تشجيعك لي ..وتنويرك لمدوني ..زورينا و نورينا اكتر و اكتر

الكحيان يقول...

الفاضلة / سوسة

مع تقديري وإجلالي لك، فأنا لا أوافقك مطلقا على هذا البوست، ولا أوافق على التهليل لأوباما والإشارة إلى أصوله الإفريقية والإسلامية.... وفي هذا الصدد أجد ذهني مزدحما جدا بأشياء كثيرة أود ذكرها وعرضها لبيان وجهة نظري، فلا أدري كيف أرتبها ولا كيف أعرضها وأوجزها.... ومع ذلك أبدأ بالإشارة إلى نقطة جوهرية مهمة ، وهي أن الديمقراطية الأمريكية ديمقراطية منقوصة ولا إنسانية، تقوم على انتهاك حريات الشعوب الأخرى وسفك دمائها وسلب أقواتها، كما أن تلك الديمقراطية في الحقيقة تدور في فلك المصالح الرأسمالية والشركات عابرة القارات، فلو تعارضت هذه الديمقراطية مع تلك المصالح لانتقصوها وهدموها – فقد بالفعل الأمريكان بعض حرياتهم بعد 11 سبتمبر - والآلة الإعلامية تلعب هناك دورا خطيرا في الإيهام بتلك الديمقراطية المزعومة، وذلك بوسيلة الإغراء والإلهاء وتشويه الحقائق وإخفائها أو إظهارها في الوقت غير المناسب مع الحرص على طابع الموضوعية، ومن هنا نجد الشعب يصوت بالموافقة على ما هو ضد مصالحه يوافق على الحرب في العراق أكثر من 70 بالمئة منهم ، ويوافقون كذلك على ما يحدث في فلسطين وعلى انتهاكات ساستهم في كل مكان...إلخ للاستزادة في هذه الأمر يمكن الرجوع إلى كتاب هربرت شيللر ( المتلاعبون بالعقول ) . وهذه الديمقراطية لاإنسانية لأنها تقوم على انتهاك حقوق الآخرين؛ ولأنها لا تتعدى حدود جغرافيتهم ولا مصالحهم هم، فهم يثورون من أجل حقوق الإنسان والحيوان، ولا تتحرك لهم شعرة واحدة عندما يذبح الإنسان في العراق وفلسطين والبوسنة والشيشان، وهم يهللون للديمقراطية وحق الشعوب في تقرير مصيرها وانتخاب حكامها وإذا بهم يسخرون قوتهم وأموالهم وأجهزتهم القذرة لترسيخ أقدام الاستبداد في العالم الكحيان حتى يحتفظون بقوتهم والمخازن التي تمدهم بالقوت والمال وبالأسواق التي يصرفون فيها منتجاتهم ويجربون فيها أسلحتهم. هذه الديمقراطية هي التي تجعلهم يكيلون في سياستهم الخارجية بمكيالين كما يحدث في فلسطين والعراق وغيرهما والشعب هناك يبصم على ذلك ويصوت لأن الإعلام الديمقراطي هناك يستطيع أن يتلاعب بعقله جيدا ويريه الصواب خطأ والخطأ صوابا، ومن هنا أنا أعتز بشدة بقيمة العدل في الإسلام لأن العدل في الإسلام عالمي لا يفرق بين أرض وأرض ولا بين أبيض وأسود ولا بين دين ودين ( ولا يجرمنكم شنآن قوم على ألا تعدلوا اعدلوا هو أقرب للتقوى ولا تنسوا الفضل بينكم ) . ومع ذلك أنا أقر أن ديمقراطيتهم المزعومة هي أفضل بكثير في بعض نواحيها مما نحن فيه الآن .

أما عن أوباما هذا فأنا أعجب بشدة للتهليل له ، وأعجب للتوقف في تخمين ما ستكون عليه سياسته، وكأن سياسته القادمة سر يخفى أو أمر غيبي لا يمكن التكهن به ، رغم أن من تابع حملة أوباما من أولها لا بد أنه سيجد أدلة كثيرة جدا تدل على توجهه وسياسته المقبلة التي سينتهجها وأنا أنثر هنا بعض الملاحظات مما عن لي :

1- أوباما رجل مسيحي الديانة، وقد نفى بشدة أن يكون مسلما عندما اتهم بذلك، وله أقارب يهود يعملون حاخامات، وقد كان ينادى وهو صغير (باري) وحرف هو هذا الاسم إلى باراك، وباراك – كما درست في العبرية – هي باراخ لأنهم ينطقون الكاف العربية خاء، ومعنى هذا الاسم هو مبارك ، ياللمفارقة ( مبارك - باراك ) وقد أكد باراك هذه المعلومات – فهي ليست من عندي – كما أكد حبه لشعب اليهود وتقديره لهم .

2- رفض أوباما تأييد زعيم المسلمين له ( لويس فرحان) إرضاء لليهود، ولأن فرحان معروف بعدائه الشديد لليهود !!! .

3 – حظي أوباما بتأييد واسع من اليهود ( أيده 75 بالمئة من اليهود ) وروجت له الصحف المعروفة بتوجهها الصهيوني ترويجا شديدا وكذلك روجت له معظم الصحف الإسرائيلية، ولم يكن يقلق بعض اليهود منه سوى رغبته في التفاوض مع إيران ، وأذكركم أن أوباما قد زار تل أبيب وأدى الطقوس والصلاة هناك مرتديا الطاقية إياها، ومس حائط البراق ( يسمونه حائط المبكى) مؤكدا ولاءه لهم ووقوعه في غرامهم، بل إن إحدى الممثلات اليهوديات المشهورات قامت بحملة دعاية هائلة له في أوساط اليهود لاقت رواجا كبيرا وقد قالت : (( إن لم يفز أوباما في الانتخابات فإنني سألقي اللوم على اليهود )) !!! .

ما قولكم إذن في أوباما ؟ ماذا تظنون به ؟ ظني أن ما نتخيله ونحلم به سيقع ويكون ولكن هذا في حالة واحدة فقط هي عندما يشيب الغراب وعندما يطرح التين عنبا ، وعندما نجد لدى الكلب صوفا . وآسف جدا جدا على الإطالة فهذا بعض ما حاك في صدري .

اقصوصه يقول...

هههههههههههههههه

مبروك له

بس الله يسترنا منه!

احنا خلاص تعودنا

زيتننا فدئيئنا:)

أحــوال الهـوي يقول...

يجب علينا عدم الافراط في التفائل حتي تتضح لنا حقيقة الرجل

دائما ما تأتي الريح من جهاتهم من حيث لا تشتهي السفن

و اعتقد ان السياسة العامة لن تتغير و لكن اسلوب تنفيذها هو المتغير

تحيا الديموقراطية بس بعيد عنناو لا تعليق
تحياتي

فشكووول يقول...

اوباما ولا ماكين .. ولا بوش ولا كلينتون ولا غيرهم وغيرهم كلهم عندهم جزم حلوه وشباشب واحنا بننضرب بالحاجات دى .. ولا واحد منهم يقدر يعمل لنا حاجه .. عندهم مؤسسات .. مش اى واحد يعمل اللى فى دماغه .. بس انا فرحان للشعب اللى يقدر ينتخب رئيسه مو المؤكد ان هذا شئ جميل لكن عشان نحسن نفسنا ونحسن بلادنا لازم على الاقل نكون زيهم وساعتها ما حدش حيبقى زينا .. بس هما جماعتنا حيسمحوا لنا بهذا ام سنظل ناخد بالجزم

ميرا ( وومن ) يقول...

ميس سوسا

بعيدا عن براك وماكين والموضوع اللي قتل بحثا والناس الأمريكان دول عمالين يقولوا ناخد سوسو لا بلاها سوسو وحشة ناخد نادية لا نادية دمها تقيل هي سوسو اند سو.....اند سو

والحمد لله علي قد كدة ويكون شعارنا في المرحلة القادمة ايش ياخد الريح من البلاط

احب احييكي علي المدونة كلها كدة لأني قريتها بجد هايلة

تقبلي خالص تحياتي

فشكووول يقول...

شكرا يا سوسه يا بنتى وربنا يهدى المبروكين بتوعنا كلهم .. مش شايفه ان كلهم مش قادرين يمشوا على رجيهم ولولا الملامه كانوا مسكوا عكاز عشان يسندهم .. كلهم عايزين عكاز كلهم تجاوز ال75 سنه انا لسه يا دوب اقل من ستين بحوالى 4 سنين وزعلان ان انا مش صغير اقل من كدا عشان اتبتدى المشوار وابقى اوباما الشرق .. بس يا خساره .. الموضوع دا عايز كفاح سنين ولا 100 سنه على العموم ايمن نور ابتدأ وربنا يسهل بعد 17جيل كدا يحقق الامل

فشكووول يقول...

يا ســـــــــــــــــــــــــوسه .. بعدين لك خلينا ناكل عيش انت عارفه ... ما بيرحموش

الكحيان يقول...

مس سوسة مسألة التغيير هذه لا تعني أي شيء، وأومابا رغم انتصاره لم يحقق مايسمى بالشعبية الكاسحة، وأوباما كغيره تعبير عن أصحاب رأس المال في المقام الأول، وعبقرية هؤلاء لا تعجز عن إقناع الرعاع بما هو ضد مصلحتهم وصدقيني لو اقتضت مصلحة اليهود وأصحاب المال أن يكون زعيمهم هو بن لادن العربي المسلم الإرهابي فسيكون. ولو أراد أوباما أن يكون أوباما الذي يعبر عن نفسه هو لا عن مصالح فئة معينة فسيكون مصيره مصير كيندي، أو كلينتون في أحسن الأحوال. أرجو ألا تنسي دور الإعلام الذي يجعل الأمريكي يتعاطف مع اليهود رغم المشاهد الدامية التي يشاهدها في فلسطين،ولا تنسي قدرته على إقناعهم بالشيء وضده، فقد أقنعهم الإعلام رغم ما يحدث لجنودهم في العراق أن وجودهم هناك ضرورة وهو صراع من أجل الوجود الأمريكي ذاته، ودحر للإرهاب الذي فعل فعلته في 11 سبتمبر، ومن هنا وجدنا أكثر من 70 بالمئة منهم يوافقون على البقاء هناك !!! . هذا رأيي وأنا أحترم رأيك جدا .

فشكووول يقول...

قريتك عند الكحيان يا سوسه .. ايه خفة الدم دى .. والله انت دمك زى السكر ومش زى السكر بس دمك زى العسل كمان..هه

بس خلاص ... يقول...

سوسة نشكرك على هذا الموضوع الذى اثار الجدل من بين مؤيد ومتفائل ومن بين من ينظر بنظرة واقعية زى الاستاذ كحيان ....ولكن
هى تجربة تستحق الاشادة ونتمنى ان نكرر عندنا مش فى مصر بس فى الشرق الاوسط كله ونجد نفسنا قادرين نقول نعم ولا بصدق ... ويكون فيه وعى صحيح ومشاركة حقيقية فى صنع القرار ...
وباقول لكحيان افندى ... نصبر نشوف ايه هيحصل يمكن يكون فى خير ... ومايكونش زى كونداليزا ماهى برضه من اصول سوداوية وشوف بتعمل ايه فى قضيتنا وبرضه المأسوف على شبابه كولن باول وزير الحربية الامريكى السابق .. يمكن الثالثة ثابته ويكون الخير معاها

Asmaa mahaba يقول...

اتمنى ان يكون تغيير باطنى مش ظاهرى
وعموما عقبالنا لما فكرنا يتظبط

غير معرف يقول...

السلام عليكم ميس ساسو
بوست جميل اوى ومعانيه حلوة ومنتظمة

وهى طبعا انتخبات امريكا اثارت بدلخلنا مشاعر كثيرة وشجون عميق
===========
اما آن الاوان ان تهبي يا رياح التغيير علي شرقنا المكلوم ؟!

ام ان جبال السلبية و تلال العبودية تقف مصدا لكِ ؟!
ام اننا لا نستحقك ولسنا أهلا لكِ ؟!

======================

وفعلا هو ده السؤال ام ان الاوان

دمتى لنا بكل خير ويلا سلام

بنت الغربة يقول...

انا اول مرة ازورك بس موضوعك ظريف يس انا مش متفائله قوى بالنسبه لاوباما-لان صعب قوى يعمل التغيير الكبير الى نفسنا فيه-الموضوع ده مش هيبان دلوقتى خالص-وممكن ننصدم فيه-هو بس عجبنى انه لما اصر على حاجه عايزها قوى ووصلها- ياريتنا نتعلم منه العزيمه والاصرار ده- تحياتى ليك-

blue-wave يقول...

اوبامانا لو جه هاتلاقيه محبوس او معتقل
للأسف قدامنا ملايين السنسن علشان نوصل للحريه والديمقرلطيه ونخلص من الإحتلال

غير معرف يقول...

اوبامانا فينا جوانا بس قتله خوف وظلم واحباط
اوبامانا جوانا بس ميت من الرعب والتخويف والتهديد
اوبامانا جوانا وناقصه تشجيع وصحبة وايمان
اوبامانا جوانا بس قلقان من التهجير والتسفير والاعتقال
اوبامانا جوانا صدقيني

مها ميهوووو

المـــفـــــــقــــــــوعـــــة مــرارتـهــا يقول...

الفرح مش لينا الفرح ليهم لانهم قدروا يغيرا العم بوش بواحد مختلف عنه تماما
تصدقي انا من كتر تأثري بأوباما بأحلم بخطابه وانا نايمة
بجد شخصية كاريزما بيفكرني بالقديسين
بجد اختيار الامريكاني ليه في الجون
هايخلي امريكا تتحب من تاني
بعد ماكان العالم كله بيكرهها
وبجد انا باحترم كل امريكي راح لصندوق الانتخابات وانتخب الراجل ده
لان اختياره وهو ابن الرجل المسلم دليل علي ان الامريكان شعب مختلف عما ادخله بوش في رؤسنا
من كراهية الامريكان للمسلمين واعتبار الاسلاموصمة ارهاب يجب ان يحتاطوا منه
مبروك علي امريكا أوباما وعقبالنا

كراكيب يقول...

ايوة اوبامانا احنا فين بقى؟؟
انا عايزة من ده يا حوزومبول انا عايزة من ده

ححححححححح مبروك ليهم بقى وعقبالنا كدة لما نختار واحد بإرادتنا بإختيارنا
تفتكري هييجي اليوم ده؟؟؟

يدينا ويديكي طولة العمر بقى

miro el niro kwaniro

Unknown يقول...

هذا الموضوع لا خلاف فيه بيننا فيما يبدو..وقدسعدت جدا بزيارتك الكريمه وكنت اتمني ان تطول زيارتكم حتي نتمكن من تقديم واجب الضيافه كما يجب .وقد تأكدت ان هناك روابط كثيره بين ( السوسه ) والفركشه والفشكله كمان وباين كده اكتملت بوجود الكحيان .

MaNoO يقول...

عجبنى كلامك فعلا احنا لازم نفرح بالديمقراطية وبهنى الشعب الامريكى كله لان التغيير ياااااااااااااه احساس جميل جدا اننا نغير واحساس احلى انك تحس انك انسان وتصنع اختياراتك وسلامى للحزب الوثنى بتاعنا

mohamed يقول...

أوباما أو غيرو يا سوسا الحداية ما بتحدفش كتاكيت

tarek alghnam يقول...

موضوع رائع كعادتك
بس مشكله اوباما مش حيغير شئ
كلهم بوش ولاد بوش
وبكرة نشوف
لان اللوبى اليهودى بيزيد نفوذ مش بيقل
وعموما مبوك لكوبانا على رأى شعب اخونا شعبان عبد الرحيم
ربنا يرأف بينا
تحياتى

Kellerentrümpelung Wien يقول...

شكراً جزيلاً ع المجهود ... :)

غير معرف يقول...

Appreciating the time and energy you put into your blog and in
depth information you provide. It's nice to come across a blog every once in a while that isn't the same out of date rehashed material.
Fantastic read! I've bookmarked your site and I'm
adding your RSS feeds to my Google account.


Feel free to surf to my blog: legitimate ways to make money online